三角琴聲

三角琴

三角琴聲，情歌一支，謎語歌一首，俄國猶太人民歌，東歐普遍會唱，亦有當童謠咁唱，支曲亦傳到世界各地。來自依地話טום־באַלאַלײַקע，音名𠱁巴啦賴卡，支歌出處不明，已知十九世紀出現。曲名成謎，巴啦賴卡，即俄國弦樂器三角琴音名。問題在於𠱁טום。俄國話「𠱁」無得解。有人話佢三角琴弦聲。另一解，話依地話嘈聲咁解，通行都用依個講法。另一唔解之處，猶太人普遍用小提琴做樂器，甚少用三角琴。

歌詞有講後生仔想搵個老婆，想搵個叻女，就問佢幾個謎題。有乜嘢會生，又唔使雨。有乜嘢會燒，又燒唔盡。有乜會喊，又唔會有淚。有個叻女就答佢。石唔生，唔使雨。愛會燒唔盡。心會喊，唔會有淚。

東歐唱依支歌對答，畀後生男女互相認識，亦有話一探生命奧祕。一九三〇年打後，猶太人、匈牙利人、羅馬尼亞人，情人就曉唱。後尾好多其他改編譯本，尤其好多英文版本。好似一九六一年Over and Over，由法文改成，一遍又一遍咁意思。一九六九年，笑匠不文山亦有佢鬼馬版本Anna Marie，廣東話音名安娜瑪莉。廣東話就當玩意，副歌諧音改成糖不甩。