上水游泳池
上水游泳池（英文：Sheung Shui Swimming Pool）係香港新界上水天平路38號一個公眾泳池，由康樂及文化事務署管，依家計劃緊加建室內暖水泳池。
史
[編輯]區域市政局喺1987年計劃三年內，喺北區上水新市鎮新起泳池[1]。選址定於上水第6區，並且同龍琛路體育館一齊動工，至1990年3月時已經進入施工階段[2]。成個工程斥資4,435萬港元，係粉嶺游泳池之後，區內第二個公眾泳池[3]。局方轄下建設工程委員會曾安排全員喺1991年9月18日到場視察[3]。同月9月28日，泳池率先對外免費開放，並於翌日正式啟用，名為上水公眾戲水池[4]。
泳池啟用以嚟一直由區域市政局管理，直到2000年1月1日解散後先改由康樂及文化事務署負責[5]。之後2002年2月修訂《公眾衛生及市政條例》，「公眾戲水池」字眼改用「游泳池」代替，即係現名[6]。
設施
[編輯]- 嬉水池
- 按摩池
- 家庭更衣室
開放時間
[編輯]夏季（4月至10月）
[編輯]- 第一節：上晝6:30至中午12:00
- 第二節：下晝1:00時至6:30
- 第三節：晚上7:30至10:00
（暫停開放時段：中午12:00至下晝1:00；下晝6:30至7:30）
大清潔日
[編輯]逢禮拜四（如果大清潔日係公眾假期，游泳池會照常開放，而大清潔日會改喺嗰個禮拜嘅禮拜三進行）
出面網頁
[編輯]- ↑ 〈上水未來三年興建 體育舘田徑場泳池〉。《華僑日報》 (香港中文)。香港。1987-12-08。頁 15。
- ↑ 〈逾三千萬闢成中央公園啟用 北區增建多項大型文康設施 上水粉嶺分築兩體育館 泳池運動場將相繼落成 區局續考慮興建有大演奏廳文娛中心〉。《華僑日報》 (香港中文)。香港。1990-03-11。頁 16。
- 1 2 〈石湖墟興建首座空氣調節新街市 區局建設委會視察北區設施 上水建成戲水池補不足〉。《華僑日報》 (香港中文)。香港。1991-09-19。頁 21。
- ↑ 〈水龍琛路建成新體育館今開幕 戲水池免費試用〉。《華僑日報》 (香港中文)。香港。1991-09-28。頁 4。
- ↑ 〈第132章 《公眾衞生及市政條例》〉。《電子版香港法例》 (香港中文)。香港。2000-01-01。頁 42B, 附表3, 附表14。喺2025-10-26搵到。
- ↑ 〈2002年第32號法律公告 2002年公眾衞生及市政條例 (公眾泳池) (修訂附表14) 令〉。《2002年第10期憲報第二號法律副刊》 (香港中文)。香港。10 (6): 32。2002-02-27。喺2025-10-26搵到。