跳去內容

上海自治運動

改拎
出自維基百科，自由嘅百科全書

上海自治運動，近似講係滬獨，細話近代以來謀求上海獲得地方自治嘅思潮及實際活動。清末到民國時期，上海就有實行過地方自治[1][2]。2006年後，上海復旦大學及香港大學部分學者，有一再提出構想上海建立類似香港嘅特別行政區搞自治，引發咗關注[3]。後尾，因大量新移民湧入上海，導致本地人嘅權益受損，上海市民發出希望上海實行地方自治同「滬人治滬」嘅訴求，多著重喺保護本地市民嘅權益、母語及文化[4]。自治運動嘅支持者強調「自治不是獨立，也不是分裂」，引用埋新華詞典度「自治」一詞嘅含義來佐證[5]。

史

[編輯]

1905年滿清政府因應時上海住民嘅要求，同意咗上海自治，仲設立埋城廂內外總工程局，隨後嘅「拆城案」遇到咗阻力，包括時兩江總督嘅極力反對，因而擱置。

1909年初（光緒三十四年末），滿清政府頒佈咗《城鎮鄉地方自治章程》，上海城廂內外總工程局改組成自治公所，上海地方自治正式取得咗法律地位。但依然受到提督同公地租戶嘅牽制[6]。

辛亥革命後，李平書擔任咗民政總長，自治公所就改組做市政廳。姚文枬等人上書畀新嘅民政總長，再次要求拆城，以振興商業[7]。呢次嘅提案得到民政總長同滬軍都督嘅支持。市政廳決定先由大東門、水關橋西南至救火聯合會一段城牆拆起，跟著一路開工，未夠一個月拆曬三面城牆[8]。上海市政廳完成咗政治化同自主化蛻變。

1912年7月10號，江蘇省政府決定取消滬軍都督，以實現軍政統一。8月2號上海財政畀接管。到8月31號，李平書擔任嘅上海民政總長畀撤銷。上海地方自治陷入咗窘困境地。

二次革命失敗後，1913年7月28號，袁世凱任命咗鄭汝成做上海鎮守使。8月6號，鄭汝成出任上海警備地域司令官，同日，鄭汝成宣佈上海戒嚴[9]。8月8號《戒嚴法》公佈，戒嚴令將上海劃定成警備地域。李平書被逼走佬日本，其他人員有啲走避東北，有啲靜靜地隱退埋，上海地方自治到呢陣就中斷咗[10]。

1923年6月，上海總商會宣佈咗脫離曹錕嘅北京政府管治，實行自治，上海地方自治開始咗復興[11]。

1927年4月12號，發生咗四一二事件，自治運動宣告終結[12][1]。

1927年由周恩來領導嘅上海第三次工人武裝起義喺3月22號全面奪取咗當地嘅控制權，除咗老軍閥同租界僑民外， 上海各界都圍到「上海自治」嘅朵度。後尾召開咗「上海市民代表大會」，由商界嘅王曉籟、虞洽卿、陳光甫等，國民黨嘅白崇禧、鈕永建等，共產黨羅亦農、汪壽華等，學運領袖林鈞，學者楊杏佛等，共十九人組成咗「上海特別市臨時市政府」，其中有中共黨員九人，工人代表一人，國民黨左派、右派及資產人士代表合共九人。呢個政府宣稱係「以實現上海特別市民自治，謀市民福利為宗旨。」四一二事件之後，臨時市政府實際停止咗運行[1]。

當代背景

[編輯]

自1990年代以來，因大量新移民湧入咗上海市，導致咗當地面臨諸多相當嚴峻嘅經濟同社會問題，包括係人口過多、犯罪率攀升、城市資源承載超負荷、社群間嘅文化同價值等激烈衝突、本地文化語言嘅勢微，由此仲導致本地居民同新移民發生對立、網路罵戰等[13]。好似滬劇呢個上海地嘅傳統戲劇，2006年中畀北京政府列做國家級非物質文化遺產。而隨著現代似推廣普通話嘅衝擊咁，導致咗滬劇嘅後續人才流失同眠斷層，江南地區原有嘅幾十個滬劇演出團體暴減至3個。知名嘅滬劇人馬莉莉試過建議，要求對上海話進行保護[14]。

俞正聲等「空降」官員，因唔熟悉兼缺乏上海當地經驗，施行咗啲政策令本地市民相當不滿[15][16]，啲管治部門過分推普打壓上海話都造成市民反感。以上種種，引發咗「滬人治滬」嘅呼聲重新喺坊間興起[17]。

觀點

[編輯]

市民觀點

  • 2010年以後，大量新移民湧入上海城市，且非本地出身人士，取代咗本地出身人士喺政府入邊擔任要職，令上海面對類似香港嘅問題，部分上海市民睇到「港人治港」嘅高度自治待遇，而同樣希望喺上海實現「滬人治滬」[4]，而隨著後邊多年，上海新移民問題同其他社會矛盾嘅加劇，尤其似2012年，非上海戶籍嘅占海特，喺大沽路100號上海市教委門前公開發起「異地高考約辯」，炒大咗畀本地居民認為係「嚴重威脅咗上海市民權益」，令到咗上海市民要求保護本地居民利益嘅呼聲開始高漲[18][19]。
  • 另一方面，上海市民擔憂，部分空降到上海嘅非本地背景嘅官員，對上海冇本土情感，淨系當上海係官場嘅跳板，質疑佢哋可唔可以「當好上海的家」，有唔少市民因而趨向懷念返陳良宇執政上海陣啲政績，認為上海嘅諸多社會矛盾，係因為陳良宇畀政治鬥爭陷害下臺引起嘅[4]。
  • 嚟自上海嘅22岁许珂，佢因2022年中共喺上海极端严厉嘅疫情封控措施而彻底对中共失去希望。[20]佢喺2024年6月12日中國駐舊金山總領事館門外嘅抗議中共霸權集會上發言道，喺COVID-19疫情封控期間，上海啲從唔關心政治嘅人，也遭受了中共嘅鐵拳。「我哋除咗做中國（共）病毒測試外，三個月內唔允許離開公寓。」佢講，上海曾經像香港一樣，享有獨立、自由、法治和公民權利，但喺中國接管後，我哋失去了呢一切。佢希望，有一天，我哋能擁有一個冇中國嘅和平世界。上海人、香港人、廣東人和其他族裔嘅人們，都可以自由而有尊嚴地生活，冇恐懼或被壓迫，可以選擇自己嘅未嚟。[21]

中央政府同官方媒體觀點

  • 國家發展和改革委員會喺2007年回應長三角轉型研究成果陣話，暫時冇必要設立統一嘅特別行政區，仲明確唔贊同「長三角全面超越珠三角」嘅講法[22]。
  • 喺2015年4月，上海媒體試過出咗講現代上海市民嘅自治精神嘅報導，仲畀咗肯定嘅態度[23]。

設想

[編輯]

特別行政區

[編輯]

2006年11月，原籍安徽嘅復旦大學「當代中國經濟」長江特聘教授張軍[24]談及上海經濟嘅定位陣，提出「讓上海成為香港那樣的新特別行政區」。張直言中國需要多幾個香港，允許上海借鑒香港特別行政區嘅模式發展，打頭行喺中國將係明智嘅選擇[25]。

張軍仲提出，上海可以複製埋香港嘅體制，跳出埋既定嘅行政管理模式[26]。

長三角特區

[編輯]

2007年5月，復旦大學同香港大學共同完成嘅《長三角經濟區融合轉型研究》報告，調查長三角度16個經濟發展水準較高嘅城市，採集到兩千幾份樣本做過分析，結論話長三角經濟水準係超過咗珠三角[27]。

依照呢個結論，復旦同港大共六位起草報告嘅教授[註 1]，提議咗擴大上海嘅行政範圍，新建立一個長三角特別行政區，仲希望依託提升行政級別兼擴大自主權利，進一步拉動經濟嘅持續增長，仲好恨個建立特別行政區嘅建議同研究成果，可以畀當局採納並決策施行，以成為現實。[29]發改委嗰時回應係，暫時冇必要設立統一嘅特別行政區[30][31]。

到5月23號，新民網刊登咗六位教授發表嘅呢個建議後，5月24號再出現咗以六名教授名義發表嘅聲明，話「從未建議擴大上海行政版圖、建立長三角經濟特別行政區」，仲話新民網記者未採訪過佢哋又未見過佢哋啲研究[28]。

「鄉賢」概念

[編輯]
  • 2015年，中央一號檔提出將「鄉賢」作為一種基層文化建設，以應對大陸農村基層社會治理嘅各種難題[32]。孟建柱發表嘅署名文章話，加強同創新社會治理要發揮好基層自治嘅作用，而「鄉賢」正正係體現咗基層自治嘅一個特徵。

其他

[編輯]

2018年7月18號，紐約州執業針灸師何岸泉宣佈喺紐約成功註冊咗上海民族黨，宗旨「反專制反大一統，滬人治滬，全盤西化」，鼓吹「上海獨立運動」。何仲製作咗「上海共和國」國旗。推動成立「上海民族黨」嘅係持不同政見者，包括諷刺漫畫家變態辣椒。據話成員有一半以上身處中國大陸。加入嘅成員有唔少畀大陸公安調查，何嘅大陸親屬都畀問話同威脅[33][34][35][36]。

註

[編輯]
  1. ↑ 六人分別係：復旦大學管理學院嘅陸雄文、孫一民、蔣青雲，以及香港大學經濟及工商管理學院嘅王于漸、陶志剛、邵啟發[28]。

睇埋

[編輯]

參考文

[編輯]
  1. ↑ 1.0 1.1 1.2 1927：上海市民自治運動的終結 - 李天剛 互聯網檔案館嘅歸檔，歸檔日期2015-02-18.
  2. ↑ 東方早報：近代中國雙城記中的知識份子 互聯網檔案館嘅歸檔，歸檔日期2015-02-18.
  3. ↑ 〈復旦港大六教授建議設長三角特別行政區-華商新聞〉。原著喺2015年2月11號歸檔。喺2020年1月5號搵到。
  4. ↑ 4.0 4.1 4.2 〈上海劄記﹕從滬語醫院到滬人治滬〉。sina.com.hk。原著喺2015-02-23歸檔。
  5. ↑ 線上新華詞典。〈自治〉。
  6. ↑ 清華法學/第八輯/“法典化研究”專輯 - 清華大學出版社有限公司 pp.252
  7. ↑ 〈《上海拆城案報告》-上海檔案資訊網〉。archives.sh.cn。原著喺2015年2月18號歸檔。喺2020年1月5號搵到。
  8. ↑ 〈上海公用事業志 - 李平書（1854～1927）〉。上海市地方誌。原著喺2015-02-18歸檔。
  9. ↑ 上海舊政權建置志 第一節 人物傳略，上海通 互聯網檔案館嘅歸檔，歸檔日期2015-02-18.
  10. ↑ 〈清末民初上海的地方自治〉。ifeng.com。原著喺2015年2月11號歸檔。喺2020年1月5號搵到。
  11. ↑ "The Tragedy of the Chinese Revolution". google.com.hk.
  12. ↑ The Shanghai Green Gang: Politics and Organized Crime, 1919-1937 pp.107
  13. ↑ 劉中起 (2013年第6期)。《新形勢下上海加強外來人口服務與管理研究》。城市觀察。 {{cite book}}: |access-date= requires |url= (help); Check date values in: |date= (help)
  14. ↑ 戲劇網。〈馬莉莉"保護上海方言"〉。原著喺2019年5月10號歸檔。喺2020年1月5號搵到。
  15. ↑ 〈中央社：俞正聲末班車如常，上海人：走了好！〉。阿波羅新聞網。2012-11-16。
  16. ↑ 〈上海萬人祭奠火災死者 矛頭對準俞正聲(圖)〉 (簡體中文)。明報。2010-11-22。
  17. ↑ 引用錯誤 無效嘅<ref>標籤；無文字提供畀叫做auto12嘅參照
  18. ↑ 〈非滬籍女生約辯異地高考淪為罵戰 無疾而終〉。sina.com.cn。
  19. ↑ 〈"守滬者聯盟"老崔：我為什麼反對占海特？〉。21世紀經濟報導。原著喺2015-02-25歸檔。喺2013-05-29搵到。
  20. ↑ 世界新闻网。〈港、中、菲、越移民赴中领馆 抗议专制、侵犯主权〉。《世界新闻网》 (臺灣中文)。喺2024-06-27搵到。
  21. ↑ 〈旧金山多族裔民众中领馆前抗议中共霸权 - 大纪元〉。《大纪元 www.epochtimes.com》 (簡體中文)。2024-06-15。喺2024-06-27搵到。
  22. ↑ 〈復旦港大六教授建議設長三角特別行政區 發改委稱沒必要〉。xinmin.cn。原著喺2015年2月11號歸檔。喺2020年1月5號搵到。
  23. ↑ 〈微博"互助賣房"憑什麼迅速走紅？〉。《上觀新聞》。
  24. ↑ 中國高校人文社會科學資訊網 (2010-12-13)。〈張軍——復旦大學〉。原著喺2019-05-10歸檔。喺2020-01-05搵到。
  25. ↑ 網易。〈復旦教授:讓上海成為特別行政區才明智_網易新聞中心〉。163.com。原著喺2015-02-13歸檔。喺2015-02-13搵到。
  26. ↑ "ڣϺر Ѷţ". boxun.com.
  27. ↑ 〈重返經濟舞臺中心：長三角衝動前所未有〉。fjjg.gov.cn。原著喺2015-02-18歸檔。喺2015-02-18搵到。
  28. ↑ 28.0 28.1 網易財經 (2007-05-25)。〈對新民網《復旦港大六教授建議設長三角特別行政區 發改委稱沒必要》不實報導的聲明〉。原著喺2019-01-24歸檔。喺2017-06-14搵到。
  29. ↑ 引用錯誤 無效嘅<ref>標籤；無文字提供畀叫做fb1105302嘅參照
  30. ↑ 〈專家建議設立長三角特別行政區 發改委稱沒必要〉。原著喺2019年9月22號歸檔。喺2020年1月5號搵到。
  31. ↑ 〈復旦港大六教授建議設長三角特別行政區 發改委稱沒必要〉。xinmin.cn。原著喺2015年2月11號歸檔。喺2020年1月5號搵到。
  32. ↑ 法制日報 (2015-11-20)。〈基層治理需要重拾鄉賢概念〉。
  33. ↑ 上海民族黨搞獨立　要求滬人滬治全面西化
  34. ↑ 「上海民族黨」在紐約成立 反共並要求上海獨立
  35. ↑ 反中國專制政黨出現了！ 上海民族黨推行「上海獨立」
  36. ↑ 沪民党成立鼓吹上海独立　负责人称国内家属受威胁
由「https://zh-yue.wikipedia.org/w/index.php?title=上海自治運動&oldid=2150192」收