中原時區

中原時區（紅色）

中原時區係舊時一個中國時區，喺1912年到1949年用，等同UTC+8（東經120度經線嘅時刻）。因為係首都南京用嘅時區，所以又叫中原標準時區。範圍包括江蘇、安徽、浙江、福建、江西、湖北、湖南、廣東、河北、河南、山東、山西、熱河、察哈爾、遼寧等省，南京、上海、北平、天津、青島等市，威海衛行政區，黑龍江嘅龍江、嫩江、璦琿等縣同佢以西各地，蒙古嘅車臣汗部等地。中原時區個名嚟自中原地區。

中華民國退守台灣後，得中原時區承繼落嚟，即係台灣時間。