中華人民共和國國家級風景名勝區

 中華人民共和國國家級風景名勝區（粵拼：zung1 waa4 jan4 man4 gung6 wo4 gwok3 gwok3 gaa1 kap1 fung1 ging2 ming4 sing3 keoi1） 係根據中華人民共和國《風景名勝區條例》嘅規定，經國務院批準嘅有國家代表性嘅風景名勝區。現時批准咗九批，總共有244處。

根據《風景名勝區條例》，「風景名勝區」係指有觀賞、文化或科學價值，比較集中啲自然、人文方面嘅景觀，環境優美，可以畀人遊覽、或者搞科學、文化活動嘅區域。風景名勝區分兩級，即係國家級同省級，成爲國家級風景名勝區，要求當中嘅自然、人文景觀反映出重要嘅自然變化過程、重大嘅歷史文化發展過程，基本處於自然狀態、或保持歷史原貌，而且代表到中國國家。

根據中華人民共和國國家標準GB50298-1999《風景名勝區規劃規範·術語》嘅定義，國家級風景名勝區相當於他國嘅國家公園，所以對應嘅英文名叫做National Park of China，亦即「中國嘅國家公園」。