中國聯通（香港）
(由中國聯通香港跳轉過嚟)
想搵中國聯合網絡通信（香港）股份有限公司，一間喺紐約證券交易所同香港聯合交易所掛牌上市嘅公司，請睇中國聯通。| 類型 | 附屬公司 |
|---|---|
| 總部地址 |  香港香港島中環皇后大道中99號中環中心75樓 九龍尖沙咀廣東道25號港威大廈1座28樓 |
| 業務地區 | 香港 |
| 產業 | 通訊 |
| 母公司 | 中國聯合網絡通訊集團有限公司 中國聯通國際公司 |
| 網址 | www.cuniq.com/hk |
中國聯通（香港）運營公司（簡稱「中國聯通（香港）」）係香港一間流動電訊網絡商，現時係中國第二大網絡營運商中國聯合網絡通訊集團有限公司嘅全資子公司。
現時，中國聯通香港攞到香港電訊管理局頒發涵蓋對外電訊服務、國際增值網絡服務同流動虛擬網絡營辦服務嘅「服務營辦商牌照」，而家以CUniq HK品牌通過租借和記電訊嘅網絡提供服務，係香港第五大流動網絡營辦商，亦係最大嘅MVNO流動網絡運營商。
跨境服務
[編輯]中國大陸同香港間嘅跨境服務係中國聯通香港嘅特色服務。
一卡兩號服務同跨境服務計劃
[編輯]中國聯通香港係香港第一間提供「一卡兩號」服務嘅運營商，佢畀客戶用一張SIM卡時同時擁有中國內地同埋香港兩個號碼。[1]此外，中國聯通香港都有「ONE大中華」、「ONE大灣區」等跨境服務計劃[2]
中國內地客戶服務
[編輯]
現時，中國聯通香港擁有28間門市，其中3間喺深圳口岸。 口岸門市嘅權限範圍同香港門市相同，提供上台，變更計劃同其他售後服務以及手機同配件服務。[2]同時，口岸門市亦為香港居民提供申請內地號碼嘅服務。[3]
現時服務計畫
[編輯]月費服務計劃
[編輯]- 全城聯通系列
- 自由組合計劃
- 校園計劃
- ONE大灣區共享計劃
儲值卡
[編輯]- 日神卡
- 月神卡
- e神卡
- 學神卡
同Apple公司嘅關係
[編輯]根據Apple官網，自2019年開始，China Unicom Hong Kong（聯通（香港））成為蘋果公司喺香港認可嘅七間LTE網絡嘅營運商之一。[4]
事件
[編輯]- 聯通香港首宗「死機」意外喺2018年2月27號上晝10時50分發生，聯通嘅網絡操作中心發現咗大批客戶未能夠使用流動話音服務、短訊服務及流動數據服務。到下晝1點，網絡操作中心先至開始搶修，下晝2點20分陸續恢復服務。下晝4點30分，所有服務回復正常。整個故障歷時5個鐘40分鐘，共138,150名客戶受影響，佔聯通香港客戶嘅15.78%。第二宗「死機」意外於3月31號上晝11點15分發生，情況同一個月前相似。到夜晚6點45分，所有服務先至恢復正常，整個故障歷時7個鐘25分鐘，同樣有138,150名客戶受到影響。兩宗故障一共歷時13個鐘15分鐘。[5][6]
參考
[編輯]- ↑ 《中國聯通香港廣告》 (中文)，喺2019-12-01搵到
- ↑ 2.0 2.1 〈4G電話儲值卡_月費計劃_旅遊上網卡_數據通話儲值卡-中國聯通（香港）CUniq網上商城〉。www.cuniq.com。喺2019-11-30搵到。
- ↑ 《薑餅~(深圳)遊2019-03-22 如何開通實名大陸中國手提電話號碼。~中國聯通~》 (英文)，喺2019-12-01搵到
- ↑ "iPhone - View countries with supported LTE networks". Apple (美國英文). 喺2019-11-02搵到.
- ↑ 張雅婷 (2018-10-05)。〈中國聯通兩個月兩度死機 13.8萬客戶受影響 遭通訊局罰款16萬元〉。《香港01》 (香港中文)。喺2019-11-02搵到。
- ↑ 〈【又冧網】中國聯通疑又死機 客戶訴苦不能上網打電話如陷孤島〉。《Apple Daily 蘋果日報》。原著喺2019-11-02歸檔。喺2019-11-02搵到。
