4G

出自維基百科,自由嘅百科全書

第四代流動通信技術英文The fourth generation of mobile phone mobile communication technology standards,縮寫係4G),係3G之後嘅延伸,比4G快嘅叫5G

定義[編輯]

從技術標準嘅角度睇,按照ITU嘅定義,靜態傳輸速度去到1Gbps,用戶喺高速移動狀態下可以去到100Mbps,就可以作為4G嘅技術之一。

電信公司嘅角度睇,除咗同現有網絡可兼容性之外,4G要有更高嘅數據吞吐量、更低時延、更低嘅建設同運行維護成本、更高嘅鍳權能力同安全能力、支持多種QoS等級。

從融和嘅角度睇,4G表示更多參與方,更多技術、行業、應用嘅融合,唔再局限喺電信行業,仲可以用喺金融、醫療、教育、交通等行業;通信終端可以做多啲事,例如除咗語音通信之外嘅多媒體通信、遠端控制等;局部網、互聯網、電信網、廣播網、衛星網等可能可以組成一個通播網,無論用咩終端,都可以享受高品質嘅信息服務,向寬頻無綫化進化,令4G渗透到生活嘅方方面面。

從用戶需求嘅角度睇,4G可以令用戶提供更快嘅速度滿足用戶更多嘅需求。流動通信之所以從類比到數碼、從2G到4G同就嚟嘅xG演進,最基本嘅推動力係用戶需求由無綫語音服務向無綫多媒體服務轉變,從而激發營運商為咗提高ARPU、開拓新嘅頻段支持用戶數量嘅持續增長、更有效嘅頻譜利用率同更低嘅營運成本,一定要進行變革轉型。

因為咁,4G描述咗下列兩種唔同但係有重疊嘅概念:

  • 高速嘅流動電話網絡,速度好似電腦網絡ADSL嘅頻寬,一秒可以到10 Mbit或者更多。呢個概念曾經用喺描述喺無線網絡上。亦都係依家成功嘅3G系統提供商所提出嚟嘅愿景。
  • 無限網絡(Pervasive Network)技術,一個比較抽象嘅講法係「瀰漫型」、「無定型」、「整體」嘅無綫技術,令用戶完全融入系統當中。呢個概念亦包埋智能天綫(Smart Radio)嘅技術,可以達到更高嘅頻譜(spectrum use)同傳輸力量。另外,都可以過濾、傳輸大量訊息。

睇埋[編輯]