1G
第一代流動通信技術，簡稱1G（the first generation），係類比式流動電話系統，自從1983年起開始發展使用，直至俾2G數碼通訊取代。
1G同2G最主要嘅分別係1G用類比調制，而2G就用數碼調制。雖然兩者都係利用數碼信號同發射基站連接，不過2G系統語音採用咗數碼調制，而1G系統就將語音調制喺更高頻率上，一般喺150MHz或者以上。呢個時期嘅通話方式都係蜂窩電話標準，使用模擬調製、頻分多址（FDMA），只限語音傳送。
其中一種標準，叫做北歐流動電話系統 (NMT)，曾經喺北歐、瑞士、荷蘭、東歐同俄羅斯使用、其他制式包括應用喺美國同澳洲嘅AMPS，英國嘅TACS，西德、葡萄牙同南非嘅C-450，法國嘅Radiocom 2000同意大利嘅RTMI。而喺日本方面，有唔同種制式，分別係NTT電話設計嘅TZ-801、TZ-802同TZ-803三種制式，同DDI公司嘅JTACS標準。
1G技術嘅前身係流動電話網絡，又叫做0G。