中大本土學社
中大本土學社（英文：CUHK Local Society），係香港中文大學一個本土派學社，喺2013年12月創立，皆因唔滿意當時香港中文大學學生會對香港新移民嚟香港攞綜援嘅立場而開[1]。佢口號係「本土意識，紥根中大」。
隨住各大專院校學生對學聯喺雨傘革命嘅決策嚴重失當，同埋對學聯秘書處人選產生嘅代表性有質疑，唔少學生都醞釀出退聯嘅諗法，之後香港大學學生會率先提出咗退聯公投重成功。2015年2月18號，中大本土學社亦跟住策劃退聯公投[2]，佢哋希望可以普選學聯秘書長。事實上，新一屆學聯秘書長已喺2015年3月22號選出，當選人羅冠聰(有「羅三七」嘅謔稱)僅以37票當選[3]。
中大本土學社喺2015年3月再次回應退聯問題，同埋指出如果學聯持續未提出改革時間表，就會正式啟動退聯公投[4]，佢哋喺3月3號就退聯公投事宜展開咗校內投票程序[5]。佢哋亦已經開始喺中大收集聯署，尋求其他學生支持，不過佢哋嘅行動就畀以學聯派、以張秀賢為首嘅中大學生會阻撓[6]。
參考
[編輯]- ↑ 中大本土學社專訪
- ↑ 〈中大本土學社策劃退聯公投〉。原著喺2015年4月2號歸檔。喺2015年4月18號搵到。
- ↑ 〈熱血時報| 羅冠聰當選新一屆學聯秘書長〉。原著喺2015年4月2號歸檔。喺2015年4月18號搵到。
- ↑ 〈中大本土學社：學聯無改革時間表 將發動退聯公投〉。原著喺2015年4月2號歸檔。喺2015年4月18號搵到。
- ↑ 無綫新聞- 港聞- 中大本土學社就退聯啟動校內投票程序
- ↑ 〈中大本土學社：中大學生會踩場阻收集聯署〉。原著喺2015年4月2號歸檔。喺2015年4月18號搵到。