丹羽孝希

丹羽孝希
丹羽孝希
國籍	日本
出生	(1994-10-10) 1994年10月10號 日本北海道
最高排名	ITTF第5名（2017年11月）
俱樂部	青森山田高校
身高	1.62米（5呎4吋）
體重
獎牌紀錄 日本 男子乒乓波 夏季奧林匹克運動會 亞軍 2016年 里約熱內盧 男子團體 世界乒乓波錦標賽 亞軍 2016年 吉隆坡 男子團體 季軍 2012年 多蒙特 男子團體 季軍 2014年 東京 男子團體 季軍 2015年 蘇州 男子雙打 季軍 2017年 杜塞爾多夫 男子雙打 世界杯乒乓波賽 亞軍 2018年 倫敦 男子團體 亞洲運動會 季軍 2010年 廣州 男子雙打 季軍 2010年 廣州 男子團體 季軍 2014年 仁川 男子雙打 季軍 2014年 仁川 男子團體

丹羽孝希（粵拼：daan1 yu5 haau3 hei1，日文：丹羽 孝希／にわ こうき ^{Niwa Koki}，1994年10月10號—），係日本男子乒乓波運動員，喺北海道出世，青森山田中學校畢業，2013年入讀明治大學。佢乒乓波老師係前中國乒乓波國手韋晴光，左手握拍，手感較佳。

簡歷

2009年，丹羽孝希首次參加世界乒乓球錦標賽，當時只有15歲。

2010年11月，丹羽代表日本出戰廣州亞運會，參加乒乓波比賽嘅男子雙打（夥拍松平健太）同團體項目，奪得兩面銅牌。

2011年，丹羽孝希喺乒乓波世青賽中擊敗林高遠，奪得男單冠軍。2012年，佢喺奧運會乒乓球亞洲區預選賽中，以4:2爆冷擊敗當時排名世界第一嘅中國選手馬龍，率先取得奧運會乒乓波比賽參賽資格。同年，丹羽孝希同水谷隼、岸川聖也出戰倫敦奧運會乒乓球男子團體比賽，打入嗰屆賽事嘅八強。