侯王廟（Hau Wong Miu）係香港一地，亦係一村，又係一廟。佢喺新九龍界內，喺九龍寨城後山西側。西南係九龍寨城，南係衙前塱同馬頭圍，西面係九龍仔，東北係打鼓嶺，東北稍東係衙前圍。
侯王廟係谷地，獅子山向南一脈，直指九龍半島，侯王廟就喺呢一脈嘅東側。呢脈西側係九龍仔。
家下侯王廟一帶，東有有美東邨，華人基督敎永遠墳場。西有好幾間學校，好似民生書院咁。向南就落九龍城市區，向北就老虎岩。
今日侯王廟村已沒，淨低侯王廟。舊時村畀山谷圍繞，涌水自谷出，經衙前塱，過珓杯石，入九龍灣。
侯王廟
爲咗分出邊間侯王廟，亦有人叫聯合道侯王廟或者九龍城侯王廟。按大清人考證，侯王係大宋楊亮節。
