衙前塱

衙前塱道一景

衙前塱（Nga Tsin Long）係香港一地，亦係一村，喺新九龍界內，北見九龍寨城，南見馬頭涌，東南有珓杯石，西南有馬頭圍，東面係九龍城，西北望侯王廟、九龍仔。

村已湮沒喺市區之中，舊時佢喺正聖山之北，全係田地，範圍約莫今賈炳達道同太子道之間，今有衙前塱道留名。行政上入衙前圍鄉，鄉係九龍十三鄉之一。

今衙前塱係九龍城市區主要部份，唐樓林立，舊時飛機越樓而過，升降於啟德機場，故樓亦不太高。賈炳達道、衙前圍道、太子道，三道並行，爲此地大街。

名

舊時衙前塱，喺官衙雲集嘅九龍寨城前，故曰衙前。低地靠涌水，故曰塱。涌水來自山，一邊係九龍寨城流來，一邊係侯王廟嗰邊流來，水經珓杯石入九龍灣。