衙前圍

出自維基百科,自由嘅百科全書
(由衙前圍鄉跳轉過來)
Jump to navigation Jump to search
衙前圍外
瞭望台,以防海盜
數百年天后宮
發展商清拆村屋,空餘地盤
衙前圍吳氏家祠

衙前圍英文Nga Tsin Wai),亦稱衙前圍村Nga Tsin Wai Tsuen),亦叫衙前Nga Tsin)、衙前圍鄉慶有餘,係香港,亦係一,喺新九龍,地介九龍寨城蒲崗之間。家下村畀東頭邨包圍,係九龍古村,面臨湮沒。其西南係九龍寨城,南係城南,東北過涌係隔坑,遠啲係蒲崗,北係石鼓壟,西北係打鼓嶺

舊時衙前有涌出自打鼓嶺、石鼓壟,今已變渠。日治時化爲今彩虹道明渠。隔渠之地,是爲新蒲崗

衙前塱衙前圍道,不過遠離衙前圍,只因衙前塱地街名,皆以九龍村名而名。

衙前圍一帶,有東頭邨、摩士公園

[編輯]

衙前,皆因地近九龍寨城。而圍頭話,圍卽係村。叫衙前圍村有啲多餘。

屋宇[編輯]

衙前圍外牆,查實係屋嘅外牆,連成一綫,抵抗外敵。與一般另加圍牆唔同。圍內族譜,村起喺一五七零年到一五七四年間,有四百多年之久[1]

[編輯]

衙前以三氏為主,自南宋後遷到現址,大元一三五二年立村,定名衙前,多年以捕魚為生。大清海禁令,迫於棄村,至一七二四年,始重建家園。

舊日近九龍灣,尚未填海,今新蒲崗地,是爲啟德濱,乃填海而成。由於靠海,時受海賊洗劫。村加外牆以抵賊。村央天后廟,立於十八世紀,或更早。圍正門有「慶有餘」牌扁,傳爲皇帝所賜,不可考。

舊日有謂衙前圍鄉,合衙前圍七約,卽衙前圍、沙埔衙前塱隔坑、石鼓壟、打鼓嶺、大磡,結成一鄉,以保家園。鄉以衙前圍爲首,故名。各村先後遭拆,只餘衙前。

香港日治時期,日軍擴建啟德機場,曾下拆毀衙前,村民游說,幸保不失,然要拆牆拆炮,古樹遭砍。期後外姓人遷入村,村民得屋邨單位而遷離搬離,村自始沒落。 

斥村置樓[編輯]

衙前地處九龍,為政府及地產商虎視眈眈。二十世紀六十年代,香港政府商討清拆,徵衙前作徙置區,另徙村到荃灣,村民反對,告到倫敦高級法院而勝訴。

一九八二年始,香港地產商長江實業,逐一收購村屋,但部分居民不肯遷出,村有歷史價值,應予保留。此後,公司買百年古屋,一一拆毀,村內遂有空地仔,僅包以鐵皮。古屋乃排屋,屋屋互倚,互相支撐,以保持平衡。一屋拆,另一屋就不穩。由於前途未卜,居民唔想使錢大修,古屋因而倒榻,幸未有人命傷亡。

衙前面積四千六百卅七平方米,打算再起商住之用,住宅樓面三萬四千七百廿八平方米,商用七千零九平方米,休憩五百七十平方米。

地區人士早喺二十世紀八九十年代,要求政府研究衙前古物。一九九九年十一月,古物諮詢委員會,支持政府拆建衙前圍,交畀土地發展公司重建,委員會多次視察,村內房屋,好多已經重建,城牆、護城河同吊橋,亦早已失。另外,諸多屋宇失修,面貌頹敗。原址保留,並不可行。建議香港政府喺拆卸前,考古救亡,湮滅前,值得留嘅文物都留落來。;日地產商要同村影相繪圖,以作記錄之用,並要求原址保留大部分古屋。

不過,英國史學家夏思義,九龍只留低咗兩處古村,一為侯王廟,一爲衙前圍,呢條係市區最後一條圍村。雖然衙前圍無靚樓,屋細路窄,正正咁要保留,留低英國佔領九龍前,該區原本面貌。二零零一年八月,黃大仙區議會以保留古蹟為由,反對重建,要求古物諮詢委員會重新檢討,但委員會重申村內九成以上屋宇,非並非原有,毋須整條保留,只建議留天后宮古廟及牌坊。

2003年1月,時任房屋及規劃地政局局長孫明揚指,衙前圍畀發展商收購同拆咗,剩低都支離破碎,不值保留。話唔係政府唔想做,但家下無(保護古蹟)政策,現實環境發生咗。」

2006年10月,原有一百廿五間屋,有卅幾戶未賣,餘低畀長江實業同港府收購。前村長吳九,多年來拒絕賣屋,最終亦以二百二十萬元賣畀長江實業,無耐二零零五年十二月病死。現時,地產商長江實業,有衙前八成業權[2]

2013年,市建局出收樓令,要求村民喺5月22號之前好搬走。到2016年,剩低嘅2個村民都終於都搬出埋。

2018年,市建局公佈喺圍村地底搵到圍牆同更樓遺蹟,重會擴大挖掘範圍,所以重建計劃唔會開工住。

習俗[編輯]

自一七二六年起,衙前圍十年一次太平清醮。全盛時期,該醮會由七村(即七約)合辦,有神功戲、巡遊、拜神,全村齋戒,巡遊由新蒲崗一直遊到土瓜灣木廠街,一度係九龍大典。一九九六年第廿八屆醮會,當時居民籌得約七十萬港元,多項傳統仍得以保留。

二零零六年,第廿九屆,因拆卸在即,一度決定停辦醮會,後尾重建一再拖延,居民遂決定在十二月九號打醮兩日,係咁多年來最細。大會舉辦舞龍齋菜,至於神功戲、唸經等醮會傳統,統統唔做,呢次醮可能係最後一次。

參考[編輯]

文獻
  • 衙前圍村陳、吳、李三姓族譜
  • 黃大仙區議會地方誌
  • 衙前圍村拆卸重建 委員建議保留部分古屋 天天日報 1999-12-09
網站
  1. "存档副本" (PDF). (原先內容 (PDF)喺2011年6月26號歸檔). 喺2012年5月5號搵到. 
  2. 長實衙前圍村獲批新建築圖則 增與市建局談判籌碼

睇埋[編輯]

出面網頁[編輯]