仲夏夜之夢
想搵第二個意思嘅話，請睇仲夏夜之夢 (搞清楚)。
《仲夏夜之夢》（粵拼：zung6 haa6 je6 zi1 mung6 / 英文：A Midsummer Night's Dream）係英國劇作家莎士比亞喺1590年寫嘅浪漫愛情喜劇，個故事係由私奔嘅貴族戀人、彩排話劇嘅平民同鬥法嘅仙子三條戲軌交織而成。呢齣劇亦係佢嘅四大喜劇其中一齣。
德國作曲家孟德爾遜喺1842年幫第二年嘅一個演出創作配樂（作品號 61），重用埋佢之前喺1826年創作嘅一個同名序曲（concert overture ）（作品 21）[1]，而其中最出名嘅一段就係結婚進行曲（Wedding March）。直到依家，絕大部分嘅演出都會用番孟德爾遜嘅配樂。
情節大要
[編輯]- 後生女何密雅（Hermia）愛上咗後生仔賴山德（Lysander），但何密雅阿爸想佢嫁畀德米曲斯（Demetrius）；何密雅阿爸帶佢個女去見雅典嘅公爵，公爵下令要何密雅聽佢阿爸話；當晚，何密雅同賴山德決定要私奔，而且兩個人仲將佢哋嘅私奔大計話咗畀佢哋好朋友海倫娜（Helena）知；不過原來海倫娜暗戀德米曲斯，仲因為想贏取德米曲斯好感而將單嘢爆畀德米曲斯知，然後德米曲斯同海倫娜就緊隨喺何密雅同賴山德後面，四個人走咗入座樹林度。
- 喺樹林深處，仙子之王奧伯朗（Oberon）同仙子女王泰妲妮亞（Titania）兩公婆嗌緊交。事源係泰妲妮亞有個好得意嘅調換兒僕人，奧伯朗好鍾意，想收個調換兒做自己僕人，但泰妲妮亞唔肯。於是奧伯朗就諗詭計，想引泰妲妮亞送個調換兒畀佢，奧伯朗命令佢手下柏克（Puck）去搵一隻植物，向泰妲妮亞落咒－原來嗰隻植物有魔法，當隻植物嘅汁液滴咗入一個瞓緊覺嘅人嘅眼度，就會令個人愛上佢瞓醒之後第一眼見到嘅生靈。柏克搵咗隻植物返嚟，跟手奧伯朗就靜靜雞趁泰妲妮亞瞓覺，對泰妲妮亞落咒。
- 同時，有班雅典嘅後生仔因為要喺公爵嘅婚禮度表演，所以喺樹林裏面做綵排。柏克見到，就向其中一個後生仔－逼迫桶（Bottom）－落咒，將逼迫桶個頭變成好似驢頭噉嘅樣，逼迫桶班同伴見到就嚇到冚唪唥走嗮；冇幾耐，泰妲妮亞瞓醒，佢第一眼見到嘅，就係個頭變咗驢頭嘅逼迫桶，於是佢喺咒語影響下即刻愛上咗逼迫桶。
- 與此同時，海倫娜追住德米曲斯，兩個人行入樹林。奧伯朗聽到兩個人嘅聲，睇得出海倫娜單戀德米曲斯，於是就叫柏克對德米曲斯落咒，令佢愛上海倫娜；不過柏克搞錯咗，個咒落咗去賴山德身上；跟住就變成四角戀嘅狀態－何密雅鍾意賴山德，賴山德受咒語影響變咗鍾意海倫娜，海倫娜鍾意德米曲斯，而德米曲斯鍾意何密雅；喺混亂當中，何密雅好嬲，唔知點解自己伴侶突然鍾意咗第個女人，而賴山德同德米曲斯仲開始想打交。
- 一輪混亂後，奧伯朗施咒令四個人瞓著，郁手更正返個咒語。過咗一陣，泰妲妮亞清醒返，見到自己攬住隻驢頭怪物，覺得又驚又冇面，跟住佢見到笑笑口嘅奧伯朗，就出於羞愧應承奧伯朗嘅要求，將個調換兒僕人送畀奧伯朗－奧伯朗詭計得逞。
- 冇幾耐，四個迷迷糊糊嘅後生男女醒返，諗住打前發生嘅一切都係場夢。何密雅同賴山德恢復正常，而德米曲斯鍾意咗海倫娜。同時逼迫桶個頭變返原狀，都係信自己發咗場怪夢。最後就到公爵嘅婚禮－公爵結婚，何密雅嫁到畀賴山德，德米曲斯同海倫娜又成婚，場婚禮就喺逼迫桶同佢班同伴嘅表演下歡樂收場。
- 成齣戲嘅最後一景，奧伯朗、泰妲妮亞同佢哋手下嘅眾仙子一齊施咒，祝福在場嘅人類。大團圓結局。
角色
[編輯]凡人／貴族
- 賴山德／黎山澤（Lysander）中意咗何密雅。
- 何密雅／香蠻（Hermia）中意咗賴山德。
- 希西阿斯／薩秀詩（Theseus）係雅典嘅公爵（Duke of Athens）。
- 希波麗妲／黑豹女（Hippolyta）係阿瑪森（Amazons）女王。
- 伊吉斯／艾爵儒（Egeus）係何密雅嘅阿爸。
- 德米曲斯／狄銘柱（Demetrius）係伊吉斯幫何密雅揀嘅老公。
- 海倫娜／夏蓮娜（Helena）中意咗德米曲斯。
- 費樂斯推／費樂士（Philostrate）係希西阿斯嘅弄臣（Master of the Revels）。
凡人／平民
- 白字／丁德實（Quince）係木匠，係戲中戲度飾演開場白（Prologue）。
- 荀口／韓德好（Snug）係木工，係戲中戲度飾演獅子（Loin）。
- 逼迫桶／祝德高（Bottom）係紡織工，係戲中戲度飾演皮拉摩斯（Pyramus）。
- 薄皮／馮德美（Flute）係修理風箱，係戲中戲度飾演西施比（Thisby）。
- 填氹／朱德香（Snout）係補鍋匠，係戲中戲度飾演磚牆（Wall）。
- 軟尺／宋德順（Starveling）係裁縫，係戲中戲度飾演月光（Moonshine）。
- 奧伯朗／敖白龍（Oberon）係仙王。
- 泰妲妮亞／禔天侶（Titania）係仙后。
- 柏克／不羈（Puck）係仙王嘅跟班。
- 碗豆花／春蘭（Peaseblossom）係仙后嘅妹仔。
- 蜘蛛絲／夏荷（Cobweb）係仙后嘅妹仔。
- 飛蛾粉／秋菊（Moth）係仙后嘅妹仔。
- 芥菜籽／冬梅（Mustardseed）係仙后嘅妹仔。
粵語演出
[編輯]1978年
[編輯]日期：1978年11月10號至11號[3]
[4]
地點：香港藝術中心壽臣劇院
主辦：理工學院學生會戲劇社
1988年
[編輯]《仲夏夜之魘》係由仲夏夜之夢改編而成。
日期：1988年2月8號至13號[5]
[6]
地點：香港藝術中心壽臣劇院
主辦：中英劇團
導演：高本納
翻譯：陳鈞潤
副導演：黃美蘭
佈景／服裝設計：何應豐
燈光設計：李炳強
作曲／音樂總監：喬‧芝達雲（英文：Hugh Trethowan）
舞蹈編排：安內格巴特里亞
粵劇技術指導：羅家英
1988年
[編輯]呢次係重演同年嘅《仲夏夜之魘》。
日期：1988年5月27號至6月5號[7]
地點：荃灣大會堂演奏廳（5月27號至28號）、沙田大會堂演奏廳（6月1號至2號）、屯門大會堂演奏廳（6月5號）
主辦：中英劇團
導演：高本納
翻譯：陳鈞潤
副導演：黃美蘭
佈景／服裝設計：何應豐
燈光設計：李炳強
作曲／音樂總監：喬‧芝達雲（英文：Hugh Trethowan）
舞蹈編排：安內格巴特里亞
粵劇技術指導：羅家英
1997年
[編輯]日期：1997年1月18號至26號[8]
地點：香港文化中心大劇院
主辦：香港話劇團
導演：楊世彭
翻譯：楊世彭
佈景／服裝設計：莫禮圖（英文：Donato Moreno）
燈光設計：韋立賢（英文：John A Williams）
作曲／音樂總監：何俊傑
編舞：伍宇烈
燈光設計：何松明
助理導演：何偉龍
演員︰陳淑儀（飾演賴山德）、陳慧蓮（飾演何密雅）、黃先洸（飾演希西阿斯）、雷絲蘭（飾演希波麗妲）、徐廣林（飾演伊吉斯）、謝君豪（飾演德米曲斯）、龔小玲（飾演海倫娜）、尚明輝（飾演費樂斯推）、周志輝（飾演丁德實）、李子瞻（飾演韓德好）、葉進（飾演祝德高）、潘燦良（飾演馮德美）、歐陽奮仁（飾演朱德香）、李偉英（飾演宋德順）、高翰文（飾演奧伯朗）、潘璧雲（飾演泰妲妮亞）、馮蔚衡（飾演柏克）、洪迎喜（飾演春蘭）、彭杏英（飾演夏荷）、劉紅荳（飾演秋菊）、何敏儀（飾演冬梅）
2000年
[編輯]日期：2000年7月1號同埋4號至6號[9]
地點：香港文化中心大劇院
主辦：香港話劇團
導演：楊世彭
翻譯：楊世彭
佈景／服裝設計：莫禮圖（英文：Donato Moreno）
燈光設計：韋立賢（英文：John A Williams）
作曲／音樂指導：何俊傑
編舞：余仁華
演員︰高翰文（飾演希西阿斯／奧伯朗）、潘璧雲（飾演希波麗妲／泰妲妮亞）、陳淑儀（飾演賴山德）、彭杏英（飾演何密雅）、陳慧蓮李子瞻（飾演伊吉斯）、潘燦良（飾演德米曲斯）、龔小玲（飾演海倫娜）、馮蔚衡（飾演費樂斯推／柏克）、周志輝（飾演丁德實）、孫力民（飾演韓德好）、葉進（飾演祝德高）、周昭倫（飾演馮德美）、歐陽奮仁（飾演朱德香）、林尚武（飾演宋德順）、洪迎喜（飾演春蘭）、雷絲蘭（飾演夏荷）、秦可凡（飾演秋菊）、劉紅荳（飾演冬梅）
2000年
[編輯]日期：2000年10月21號至27號[10]
[11]
地點：香港文化中心大劇院（21號至22號）、沙田大會堂演奏廳（26號至27號）
主辦：中英劇團、香港小交響樂團
改編／翻譯：陳鈞潤
導演／藝術總監：古天農
指揮／音樂總監：葉聰
執行導演／形體編排：鄧偉傑
佈景設計：馬文海
服裝及造型設計：李峰
燈光設計：李樹生
演員︰鄧偉傑（飾演薩秀詩／敖白龍）、伍潔茵（飾演黑豹女／禔天侶）、黃龍斌（飾演費樂士／不羈）、周偉強（飾演艾爵儒）、羅靜雯（飾演香蠻）、彭秀慧（飾演夏蓮娜）、劉浩翔（飾演黎山澤／軟尺）、盧智燊（飾演狄銘柱／填氹）、林澤群（飾演逼迫桶）、李子明（飾演白字）、陳錦龍（飾演薄皮）、冼振東（飾演荀口）、孫惠芳（飾演碗豆花）、賴玉嫦（飾演蜘蛛絲）、王家芝（飾演飛蛾粉）、鄭致知（飾演芥菜籽）
2009年
[編輯]日期：2009年5月1號至3號[12]
地點：葵青劇院黑盒劇場
主辦：中英劇團
導演／改編：王敏豪
演員︰古俊傑、吳肖蓮、吳偉廷、吳詩雅、李浩良、李婉晶、林仕青、林仕青、林瑞心、張天恩、張 雁、梁佩佩、梁澤宇、陳燕萍、陳婉秋、黃韋樂、馮靜顏、葉蔭文、劉淑儀、羅穎茵
2016年
[編輯]日期：2016年5月9號至14號[13]
地點：香港演藝學院實驗劇場
主辦：香港演藝學院
導演：黃龍斌
聯合編舞：林偉源、黃龍斌
佈景／服裝設計：張瑋師
燈光設計：梁沛穎
音響設計：馮聯超
演員：陳衍彤、趙展禧、黎濟銘、劉育成、麥智樂、嚴鉅乾、袁浩楊、陳嘉樂、蔡溥泰、樓嘉豪、丁彤欣、曾永舜、胡希文
2016年
[編輯]呢齣係由仲夏夜之夢改編而成嘅音樂劇。
日期：2016年9月2號至4號[14]
地點：香港大會堂劇院
主辦：演戲家族
改編／導演：彭鎮南
作曲／編曲：黃旨穎
作詞：岑偉宗
形體指導：黃俊達
佈景設計：葉卓棠
服裝設計：鄭文榮
燈光設計：黃宇恒
音響設計：馬永齡
演員：麥智鈞、鄭君熾、張國穎、朱栢謙、溫卓妍、韓雲龍、之華、黃嘉威、張學良、李家強、何穗盈、唐曉楓、李灝泓、陳嘉茵
呢次演出係香港戲劇協會嘅第二十六屆（2017）香港舞台劇獎嘅年度優秀製作之一。[15]
2016年
[編輯]日期：2016年9月30號至10月22號[16]
地點：香港演藝學院歌劇院
主辦：神戲劇場
導演：甄詠蓓
監製：張珮華
舞台／服裝／造型設計：曾文通
燈光設計：陳焯華
音響設計：鍾澤明、馮展龍
形體指導：陳敏兒
製作總監：陳寶愉
舞台監督：麥凱欣
主演：黃秋生、余安安、林德信、楊淇、韋羅莎、陳健豪、禤天揚
2017年
[編輯]呢齣係重演2016年嘅音樂劇版本。
日期：2017年8月18號至20號[17]
地點：葵青劇院演藝廳
主辦：演戲家族
改編：彭鎮南
導演：彭鎮南
作曲：黃旨穎
作詞：岑偉宗
編舞：黃俊達
佈景設計：葉卓棠
服裝設計：鄭文榮
燈光設計：黃宇恒
音響設計：馬永齡
化妝設計：陳明朗
演出：麥智鈞、鄭君熾、張國穎、朱栢謙、鄧智堅、宋本浩、楊麗詩、黃嘉威、李家宥、何洋、唐曉楓、柯映彤、戴天晴、黃廷均、李琛瑜、胡日禧
睇埋
[編輯]參考
[編輯]- ↑ "Shakespeare and opera inspired two of the most popular pieces of traditional wedding music by Mendelssohn and Wagner". The Daily Telegraph. 2017-06-01. 喺2018-03-21搵到.
- ↑ A Midsummer Night's Dream - the plot Royal Shakespeare Company.
- ↑ 〈1971-1980劇目〉。香港浸會大學。原著喺2017-06-02歸檔。喺2018-03-21搵到。
- ↑ 〈華僑日報, 1978-11-30〉。香港公共圖書館。1978-11-30。喺2018-03-21搵到。第八張第三頁
- ↑ 〈大公報, 1988-01-29〉。香港公共圖書館。1988-01-29。喺2018-03-21搵到。第六版
- ↑ 〈華僑日報, 1988-01-29〉。香港公共圖書館。1988-01-29。喺2018-03-21搵到。第三張第二頁
- ↑ 〈華僑日報, 1988-05-27〉。香港公共圖書館。1988-05-27。喺2018-03-21搵到。第三張第二頁
- ↑ 《Midsummer night's dream = 仲夏夜之夢》。香港公共圖書館。1997-01-18。喺2018-03-21搵到。話劇場刋
- ↑ 〈香港話劇團《仲夏夜之夢》粵語場門票售逾八成〉。香港政府新聞網。2000-06-15。喺2018-03-19搵到。
- ↑ 〈千禧頌藝術節開幕節目《仲夏夜之夢》本周五起上演五場〉。香港政府新聞網。2000-10-18。喺2018-03-20搵到。
- ↑ 《Midsummer night's dream = 仲夏夜之夢》。香港公共圖書館。2000-10-20。喺2018-03-23搵到。話劇場刋
- ↑ 《中英劇團2009/10年報》 (PDF)。中英劇團。2010-02-15。原著 (PDF)喺2020-03-15歸檔。喺2018-03-20搵到。第31頁
- ↑ 〈演藝戲劇：《仲夏夜之夢》〉。香港演藝學院。原著喺2020-03-15歸檔。喺2018-03-19搵到。
- ↑ 〈演戲家族音樂劇《仲夏夜之夢》〉。arts-news。2016-03-19。原著喺2018-03-09歸檔。喺2018-03-19搵到。
- ↑ 〈第二十六屆香港舞台劇獎提名及得獎名單〉。香港戲劇協。2017-04-21。原著喺2018-12-05歸檔。喺2018-03-19搵到。
- ↑ 〈莎士比亞最神喜劇《仲夏夜之夢》〉。神戲劇場。2016-03-19。原著喺2017-01-12歸檔。喺2018-03-19搵到。
- ↑ 〈演戲家族《仲夏夜之夢》2.0 電子場刊〉。Actors' Family演戲家族。2017-08-15。喺2018-03-19搵到。
出面網頁
[編輯]- A Midsummer Night's Dream by William Shakespeare. Project Gutenberg. 喺2018-03-19搵到.英文劇本