何振梁
何振梁（粵拼：ho4 zan3 loeng4；1929年12月29號—2015年1月4號）係一位中國政府嘅官員，中國浙江省金華市上虞市人，喺江蘇省無錫市出世。佢做過中國奧林匹克委員會嘅名譽主席同國際奧委會嘅名譽委員。
生平
[編輯]何振梁1929年12月29號喺江蘇省無錫市出世。之後喺1939年到1946年去咗上海中法學堂度學習，學咗一口流利嘅法語。之後1950年喺上海嘅震旦大學機電系畢業。1952年就做咗中國體育代表團嘅成員，去咗芬蘭搞第15屆奧林匹克運動會。喺1950到60年代，嗰時毛主席喺接鬼佬嗰時嘅法文翻譯，都係靠佢先掂。到咗1981年，佢做咗國際奧委會委員。1989年做咗中國奧委會主席嘅同時，重一齊做埋國際奧委會副主席[1]。
幫過北京申辦2000年同2008年奧運會
[編輯]佢其實喺1993年先至俾大多數人知，因為佢去咗法國蒙地卡羅幫過北京申奧（2000年夏季奧運會），嗰時凈係1——2票輸咗畀悉尼，不過噉都冇影響到申辦情緒啵。因為佢喺2000年做咗國際奧委會文化同奧林匹克教育委員會嘅主席，甚至喺2001年又再幫北京申辦咗奧運會，嗰時何振梁已經72歲，佢就諗中國北京可以攞到奧運會嘅主辦權。結果嗰年7月13號幫北京成功攞咗2008年奧運會嘅主辦權[2]。
重新再關注
[編輯]佢到咗2008年就開始冇乜人氣喇。不過佢同嗰時上一任中華人民共和國體育總局局長——袁偉民嘅拗數又重新俾人關注返。
死
[編輯]2015年1月4號，佢喺北京協和醫院入面死咗，終年85歲[3]。
攷
[編輯]- ↑ 〈中国首次申奥成功的决定性人物何振梁因病逝世〉。新京报。2015-01-04。
- ↑ 〈"奥运老人"何振梁去世 享年86岁〉。中国新闻网。2015-01-04。原著喺2016-03-04歸檔。
- ↑ 〈中国奥委会名誉主席何振梁逝世 曾参与北京申奥〉。搜狐体育。2015-01-04。喺2015-01-04搵到。
連出去
[編輯]- 何振梁逝世.360专题