2000年夏季奧林匹克運動會

出自維基百科,自由嘅百科全書

2000年夏季奧林匹克運動會係第27屆現代奧林匹克運動會,2000年9月15號到10月1號喺澳洲雪梨搞。

賽事焦點[編輯]

  • 呢屆奧運會係香港自九七回歸以嚟,第一次以「中國香港」嘅名義出席奧運會。
  • 喺開幕禮嘅選手入場儀式裡面,南韓北韓兩個代表團高舉朝鮮半島旗手拖手入場。
  • 澳洲原居民嘉芙費曼喺開幕禮入面,點燃奧運聖火
  • 女子舉重、女子水球、雙人跳水、三項鐵人跆拳道正式加入奧運比賽項目。
  • 中國大陸虛報體操選手董芳霄已經達到咗最低嘅參賽年齡十六歲,但實際上得嗰十四歲。2010年4月28號,國際奧委會取消中國女子體操隊嘅女子體操團體賽嘅銅牌,中國奧委會表示接受制裁。
  • 美國女田徑選手瑪莉安鍾絲原本喺奧運會田徑比賽中攞到三面金牌、兩面銅牌,但當她响2007年10月頭,承認曾經响賽前服用類固醇後,就宣布退還有關獎牌同埋收山。
  • 呢屆係20世紀所舉行嘅最後一屆奧運會。