1948年夏季奧林匹克運動會

出自維基百科,自由嘅百科全書

1948年夏季奧林匹克運動會,係第14屆現代奧林匹克運動會,1948年7月29號到8月14號喺英國倫敦搞。

呢屆係二次大戰結束之後嘅頭一屆夏季奧運會,一共有59個國家同埋地區代表團參加咗呢屆奧運會。當中14個國家同地區代表團首次參加,包括:圭亞那緬甸斯里蘭卡伊朗伊拉克牙買加南韓黎巴嫩巴基斯坦波多黎各星加坡敘利亞千里達同埋委內瑞拉

西班牙亦被邀請參與呢屆奧運,呢個國家自從响1932年闊別奧運會16年後,第一次喺於二戰後蒲頭(由於西班牙內戰嘅關係,西班牙並冇參加1936年夏季奧林匹克運動會),但係德國納粹德國)同埋日本大日本帝國)呢兩個前軸心國就因為發動二次大戰,而唔畀參加。意大利王國其實亦係軸心國之一,但因為喺1943年9月投降,由國王域陀艾曼紐三世領導嘅新政府加入同盟國,同埋令到美國等盟軍唔追究意大利,因此意大利亦破例獲邀派員參與呢屆奧運會。蘇聯原本亦獲邀參與,之但係為咗唔想同美國運動員惡性競爭,亦都缺席呢屆奧運會,直到1952年舉行嘅赫爾辛基夏季奧運會先至蒲頭。