1996年夏季奧林匹克運動會

出自維基百科,自由嘅百科全書
1996年夏季奧林匹克運動會會場

1996年夏季奧林匹克運動會係第26屆現代奧林匹克運動會,1996年7月19號到8月4號喺美國亞特蘭大搞。

背景[編輯]

亞特蘭大係喺1990年國際奧委會東京會議嘅投票中,擊敗雅典貝爾格萊德曼徹斯特墨爾本同埋多倫多而成為主辦城市嘅。

由於1996年係現代奧運會嘅百年華誕,再加上美國响1994上半年舉行1994年FIFA世界盃足球大賽,好多人認為國際奧委會應該將主辦權交畀奧運會嘅發源地——希臘雅典,但係奧委會最後嘅投票結果就決定由亞特蘭大主辦,主要原因係:希臘嘅體育場館設施達唔到理想嘅標準。

好多人認為呢次奧運會係最近幾次奧運會中最唔成功嘅一次。交通問題突出,重過度商業化,好多人埋怨周街都係廣告。

另外,响7月27號(奧運會舉行期間)發生嘅亞特蘭大奧林匹克百年公園爆炸案,111人受傷,1人瓜老襯。喺國際奧委會主席薩馬蘭奇嘅閉幕演說中,佢第一次冇將呢屆奧運會形容為「有史以嚟最好嘅一屆奧運會」。

賽事焦點[編輯]

  • 香港係最後一次以「香港」同埋「Hong Kong」名義出席奧林匹克運動會,滑浪風帆選手李麗珊贏到香港史上首面奧運金牌。
  • 美國跑手米高莊遜贏到男子200米同400米兩個項目嘅金牌,並以19.32秒成績刷新男子200米世界記錄。
  • 土耳其選手蘇利曼諾古(Naim Suleymanoglu)成為第一個獲得3個奧運金牌嘅舉重選手。
  • 壘球沙灘排球、山地單車同埋女子足球首次成為奧運會比賽項目。
  • 喺破記錄嘅197個參賽國中,有97個攞到至少一個獎牌,係歷嚟最多。
  • 有5名運動員被發現食咗運動禁藥