1956年夏季奧林匹克運動會

出自維基百科,自由嘅百科全書
跳去導覽 跳去搵嘢

1956年夏季奧林匹克運動會係第16屆現代奧林匹克運動會,1956年11月22號到12月8號喺澳洲墨爾本搞。

由於牲口入境檢疫問題嘅關係,呢屆奧運會嘅馬術比賽改咗喺瑞典斯德哥爾摩搞,日期係6月11號到6月17號。

呢屆奧運會,一共有72個國家同埋地區嘅代表團參加,當中埃塞俄比亞斐濟肯尼亞利比利亞馬來亞聯合邦北婆羅洲烏干達柬埔寨都係第一次參加奧運會。另外,有5個國家代表團淨係參加响斯德哥爾摩舉行嘅奧運馬術比賽,包括柬埔寨、埃及(之後因為忙於應付第二次中東戰爭)、西班牙荷蘭瑞士(因為佢哋抗議蘇聯入侵匈牙利,而冇派選手去墨爾本)

背景[編輯]

呢個係奧運史上,第一次响澳洲舉辦嘅奧運會,同時亦係第一次喺南半球同埋大洋洲國家舉辦。由於墨爾本係南半球嘅溫帶地區,喺7至9月嗰陣重係冬季,天氣寒冷。因此嗰次奧運會亦改至南半球嘅初夏,即係11至12月期間舉行,亦係奧運史最遲開幕嘅夏季奧運會。

賽事焦點[編輯]

  • 喺12月6號舉行嘅水球決賽,分別由匈牙利男子水球隊同埋蘇聯男子水球隊爭冠,雙方比賽中多位球員大打出手,搞到成面都係血,呢場比賽最後匈牙利隊贏蘇聯隊4比0,贏得金牌,賽後媒體因影到匈牙利水球員沙度·艾榮(Zádor Ervin)喺賽後右眼角流血嘅場景,叫做「水中血戰」。
  • 中華民國呢屆以「福爾摩沙—中國」嘅名義參賽。9月14號,中國國民黨中央委員會副秘書長鄧傳楷擔任第16屆夏季奧運會嘅中華民國代表團團長,率團响10月18號飛抵澳洲墨爾本,29號抵達悉尼奧運會新村,奧運會第一次响歐美以外嘅其他洲舉行。
  • 二次大戰後,德國分裂為東德西德。由於東德奧委會比西德遲申請入會,因此1955年嘅國際奧委會喺巴黎召開大會,向東德提出聲明:「如果1956年墨爾本奧運裏面,東西德能夠合組代表隊參賽,東德奧委會就可以入會。」正因為咁,東西德分裂嘅兩個國家首度合組為一個代表團參賽,叫做「德國聯隊」,代表團國歌以貝多芬嘅「第九號交響曲」當中嘅「歡樂頌」代替,國旗以德國旗中央畫上奧運五環代替。
  • 中華人民共和國同埋中華民國一樣亦有會籍問題,1952年喺挪威奧斯陸舉行嘅國際奧委會大會上,台海問題成為討論嘅焦點;1954年喺雅典經由國際奧委會嘅投票表決,認定「北京嘅中國奧委會(中華全國體育總會)係代表中國唯一嘅正式奧林匹克運動機構」,但係國際奧委會主席布倫達治同時講到明:「除咗承認北京嘅中華全國體育總會,亦都承認喺台北設有國際奧委會分部嘅中華全國體育協進會嘅資格」。之但係,1954年先至被國際奧委會認可正式加入會員嘅中華人民共和國,喺呢屆奧運前唔允許中華民國使用國旗國歌國號參加奧運,但喺墨爾本奧運嘅選手村入面,仍然升起青天白日滿地紅旗,呢種舉動激嬲北京當局,搞到中華人民共和國宣佈退出呢屆奧運,直到1984年先至重返夏季奧運會。