1972年夏季奧林匹克運動會

1972年夏季奧林匹克運動會係第20屆現代奧林匹克運動會，1972年8月26號到9月10號喺西德慕尼黑搞。

呢屆奧運會，一共有121個國家同埋地區代表團參加，其中11個國家係頭一次派出運動員參加，包括：阿爾巴尼亞、貝寧、加蓬、北韓、萊索托、馬拉維、沙地阿拉伯、索馬里、斯威士蘭、多哥、布基納法索。

雖然運動會原定9月8號閉幕，但就快收爐前爆出震驚全球嘅慕尼黑慘案，事發後，慕尼克奧組委宣佈停比賽兩日，閉幕日子亦因為咁，而褪遲兩日。

賽事焦點

• 美國游水運動選手史畢茲攞到7面金牌，重打破7個世界紀錄。
• 時年16歲嘅西德女子跳高選手烏里姬·美法特贏得金牌，係奧運史上最後生嘅個人項目金牌得主，12年後（1984年）又贏得一面金牌，成為年紀最大嘅跳高項目金牌得主。
• 由於中華民國响1971年退出聯合國，逐漸冇晒大部份邦交國同埋國際組織會籍，呢屆係蔣介石政權最後一次以中華民國嘅國號、國旗、國歌參加夏季奧運。1976年滿地可奧運，中華民國因為東道主加拿大政府要求用「台灣」嘅名義參賽，禁止使用原有嘅青天白日滿地紅旗同埋國號，索性退出嗰屆奧運會，直到1984年，以中華台北嘅名義重返奧運會。