1896年奧林匹克運動會

出自維基百科,自由嘅百科全書
跳去導覽 跳去搵嘢
1896年奧運會報告封面

1896年奧林匹克運動會,係自羅馬帝國393年廢除古代奧運會之後嘅頭一屆現代奧林匹克運動會,響1896年4月3號4月15號期間響希臘雅典搞。

背景[編輯]

1894年6月23號,喺法國教育家顧拜旦男爵嘅倡導之下,國際奧委會喺巴黎正式成立,重確定由希臘首都雅典搞第一屆現代奧運會。當時希臘並冇太多嘅搞呢類運動會嘅經驗,重一度遇上財政困難,但係雅典奧組委重係按時做好咗各項準備工作,因此呢次運動會基本上被認為好成功。

即使當時嘅運動員水平同今日冇得比,但喺當時舉辦咁大規模嘅國際性體育運動賽事,就係人類有史以嚟嘅頭一次。呢屆奧運會响彭拿典奈高體育場舉辦,係唯一喺1900年前用緊嘅奧林匹克運動場,當時人頭湧湧。奧運會完咗之後,顧拜旦男爵同埋國際奧委會得到咗希臘國王佐治一世嘅建議,希望繼續喺雅典搞之後嘅奧運會。但係1900年奧林匹克運動會已經確定响法國巴黎舉行,直到108年後嘅2004年夏季奧林匹克運動會,奧運會先至返嚟希臘。