你的名字。

你的名字。
資料明細
導演	新海誠
監製	Kōichirō Itō[*] Genki Kawamura[*] Katsuhiro Takei[*]
編劇	新海誠
攝影	新海誠
製片商	CoMix Wave Films[*]
產地	日本
話	日文
上畫同發行
上畫日期	日本：2016年8月26號

呢齣戲嘅撈稿

《 你的名字。（粵拼：nei5 dik1 ming4 zi6） 》（日文：君の名は。きみのなは^{(Kimi no Nawa)}；粵語直譯：你嘅名／你個名）係2016年日本動畫電影，由動畫大師新海誠執導，8月26號喺日本公映之後經已連續9個禮拜票房第一，票房破170億日本紙。呢套電影喺台灣同香港分別喺同年10月21號同11月11號公映。喺台灣呢齣戲上映十日票房就破咗一億台幣，係台灣史上票房最好嘅日本電影。呢齣戲講咗一對相隔好遠又互相唔識嘅男女交換身體嘅故事。

簡介

立花瀧去搵宮水三葉嘅地方（現實中為：飛驒古川驛）

飛驒市圖書館置留言板

立花瀧住喺東京。第朝起身嘅時候發現無見過窗出面嘅風景，發現自己控制緊人哋嘅身體。本來住喺絲守町嘅女主角宮水三葉，就喺東京嘅立花瀧嘅身體度。佢哋互相都唔識大家，所以就以為係個夢。之後嗰日，佢哋返咗自己嘅身體，而且幾乎唔記得呢件事，但係親戚同埋同儕都覺得佢哋好奇怪。之後佢哋又再交換身體，就畀日記記低晒身邊嘅事，定埋要遵守嘅規則，去避免擾亂佢哋嘅生活。一開始佢哋對呢件事好困擾，但係好快就發現佢哋互相鍾意咗對方。

瀧喺三葉嘅身體入面嗰時，去過宮水神社參拜獻口嚙酒畀神明。三葉個婆婆話個酒係三葉嘅一半，於是瀧就返咗去飲口嚙酒，希望可以再交換身體。當佢再變成三葉嘅時候，搵咗三葉嘅朋友勅使河原克彥同名取早耶香計劃救住喺絲守町入面嘅人。於是克彥炸咗個變電站，而早耶香就喺爆炸後用廣播叫大家去走難。瀧試咗搵三葉阿爸幫手，但佢發現咗三葉入面唔係佢自己，於是瀧就上山搵三葉，去到「黃昏之時」，佢哋相見又交換返身體。之後三葉按著瀧嘅計劃，去搵佢阿爸。

喺五年後，佢哋兩個都喺東京，但係就一早已經唔記得咗大家嘅名，同埋經歷過嘅事。有一日，佢哋見到大家喺開往相反方向嘅火車上面，就喺下個站落車跑返去，喺樓梯度相遇，瀧問：「你叫做……」（原文為「君の名前は」）

配音

角色	配音員
	日本	香港
立花瀧	神木隆之介	黃尉斯
宮水三葉	上白石萌音	顧詠雪

有關

• 阿婆六
• 糸守星
• 新海誠星

拎

• 你的名字。嘅官方網站（日文）
• 《你的名字》 - 台灣角川Wayback Machine嘅版面存檔備份（臺灣正體）
• 你的名字。嘅Twitter（日文）
• 你的名字。嘅新浪微博（大陸簡體）
• 《你的名字。》喺互聯網電影資料庫嘅資料（英文）
• 《你的名字。》喺香港雅虎嘅電影頁（香港繁體）
• 《你的名字。》喺Yahoo奇摩電影度嘅資料（臺灣正體）
• 《你的名字。》喺開眼電影網嘅資料（臺灣正體）
• 《你的名字。》喺時光網嘅資料（大陸簡體）
• 《你的名字。》喺豆瓣嘅資料（大陸簡體）
• 動畫新聞網嘅百科全書度嘅《你的名字。》 （電影）（英文）
• 《你的名字。》喺Box Office Mojo上嘅資料（英文）