阿婆六

阿婆六（粵拼：aa3 po4 luk6）係中國廣東廣州一自然村，喺從化區良口鎮東北偏東位。雖然佢係廣州未開發嘅地方，但佢係天文同攝影嘅發燒友拍攝夜空同太空嘅秘密基地而出名。

呢個村既係廣東地區嘅美麗鄉村之一，又係廣州海拔最高嘅自然村。個村平均海拔有730m，外景有啲似《你的名字。》電影入面嘅糸守町。

名

個村最初冇名。相傳有年春節，有位阿婆去完心抱間屋，帶住煎堆返屋企，咁啱經過呢度，行到半山因道路太難行，擔架上啲煎堆跌嗮出嚟，後嚟有熱心啲人大嗌「阿婆碌」而好心提醒阿婆執返啲煎堆。個故仔喺呢條村開始流傳，因嗰時屬客家地區，客家話嘅「碌」同「六」係同音，所以後人又嗌佢做「阿婆六」。