煎堆
跳去導覽
跳去搵嘢
煎堆（粵拼：zin1 deoi1），正寫煎䭔（「䭔」音同堆）[1][2]；亦有叫油炸䊦；係中國廣東一種食品。華北叫佢做麻糰，而海南就叫佢做珍袋，台灣叫佢做麻飴，越南叫佢做𥹘炟（bánh rán，「炸糕」）。
做法[編輯]
做法係炸糯米粉糰，加芝麻。做嗰陣可以包麻茸、豆沙餡，不過亦都可以無餡。
習俗[編輯]
煎堆喺廣東、香港同澳門一帶係賀年食品，正所謂「煎堆轆轆，金銀滿屋」，即係富有嘅意思。另外有隻石榴花煎堆，上面有紅花點綴，好似石榴咁，寓意多仔多福。
起源[編輯]
喺唐朝時長安已經有碌堆呢樣宮廷食品，唐初詩人王梵志有詩：「貪他油煎䭔，愛若菠蘿蜜。」之後唔少中原人南遷，帶埋煎堆來南方，成為廣東食品。
有關俗語[編輯]
- 「年晚煎堆，人有我有」（粵語）
- 「煎堆碌碌，金銀滿屋」（粵語）
註[編輯]
- ↑ 〈康熙字典〉・戌集下・䭔： 【廣韻】【集韻】𠀤都回切，音磓。【玉篇】蜀人呼蒸餠爲䭔（食追）。
- ↑ 〈課堂 60 煎䭔〉. 原著喺2007年9月27號歸檔. 喺2007年9月16號搵到.