保普選反佔中大遊行

出自維基百科,自由嘅百科全書
Jump to navigation Jump to search
8.17 保普選反佔中大遊行橫額

「8.17 保普選反佔中大遊行」係香港2014年示威巡遊之一,嚮8月17號星期日,參與市民唔多過廿萬,活動市民表態支持香港政府新政制改革,支持循序漸進改革,反對破壞香港嘅佔中行為,参與者相信「佔中」對香港經濟損害。黎次大遊行唔係單一活動,表達反對佔中意圖,其他民意認為中環金融銀行零售酒店。「佔中」必然打擊香港運輸業、物流業、旅遊業同展覽業經濟產值。保普選反佔中大遊行目的對「佔中一鑊熟」心態表示不滿,反對佔中自殺式抗爭手段。

8.17參與人數,警方估算11萬人,大會公布有19萬人。參加者企滿維多利亞公園6個足球場,34度夏季高溫。保普選反佔中大遊行,支持自由民主法治多元共融香港人核心價值,又珍惜香港經濟成就。8.17保普選反佔中大遊行行程終點站嚮中環遮打道

參與遊行者[編輯]

爭議[編輯]

收錢遊行[編輯]

遊行開始前,有線電視嘅記者同攝影師以「放蛇」方式參加咗香港青年會嘅遊行隊伍。兩人響前往維園嘅旅遊巴上獲派250緡車馬費,並被指示「唔好響現場提及,袋咗就算」[1]。遊行前,至少7間鄰近維園嘅酒樓,共有逾200圍俾遊行團體預訂,其中4間更係「包場」,為遊行人士提供午餐。每圍介乎1600至3000幾緡不等[2][3]

有參加遊行人士唔清楚遊行目的[編輯]

遊行期間,有線電視響維園訪問咗多名遊行人士,有人稱唔識字亦唔知遊行目的,亦有人答出「香港平安大吉」。及後有年輕女士先以唔正嘅廣東話稱「過嚟玩」,記者追問下就以普通話回答「購物」[4]。片段後來引發網民惡搞大陸人購物成「鳩嗚」。

遊行後留低大量垃圾[編輯]

遊行後,遊行隊伍響街道上留低大量垃圾,食環署收集到達6.5公噸垃圾[5][6]

召集人擁有「居英權」[編輯]

「保普選反佔中大聯盟」召集人周融被媒體揭露擁有「居英權」,佢解釋係買保險[7]。周融原先表示唔放棄居英權,後來又表示願意放棄[8]

相關[編輯]

出面網頁[編輯]

  • "團體被揭向遊行者派 250 車馬費". 有線新聞. 2014-08-17. 喺2015-10-16搵到. 
  • "維園附近酒樓被反佔中遊行團體包場". now新聞. 2014-08-17. 喺2015-10-16搵到. 
  • "遊行前午餐 包7酒樓200圍". 明報. 2014-08-17. 喺2015-10-16搵到. 
  • "有參加遊行人士不清楚遊行目的". 有線新聞. 2014-08-17. 喺2015-10-16搵到. 
  • "【反佔中遊行】標語水樽行完即棄沿途垃圾多". 蘋果日報. 2014-08-17. 喺2015-10-16搵到. 
  • "817垃圾大遊行後 食環署稱收6.5公噸垃圾". 852郵報. 2014-08-20. 喺2015-10-16搵到. 
  • "周融承認有居英權 稱不打算申英國護照 ". 無綫新聞. 2014年7月27日 18時16分.  檢查日期值喺: |date= (詳情)
  • "周融:完全放棄居英權". 蘋果日報. 2014年7月28日.  檢查日期值喺: |date= (詳情)