個人利益

個人利益 (英文：Self-interest)，又可以叫做自利，係講緊一個個體自己嘅需要或者希望。喺唔同嘅學術，例如哲學、經濟學、同埋政治學等等，都有提到關於個人利益嘅理論。

理論

哲學

根據倫理利己主義，大家都應該跟住自己嘅個人利益，因為只要一個行動對做嘅人有幫助，就屬於有倫理。

喺嚟自古希臘嘅享樂主義，一個人只要係做令自己開心嘅嘢，即係追求個人利益，就係最好同埋最重要。

喺現代嘅個人主義，呢個概念認為一個人自己係最重要嘅嘢，某程度上都係推舉緊個人利益。

政治學

根據中國嘅法家，個人利益就係人性嘅基本概念。所以其實冇真係正義嘅官，因為佢哋都只係會跟住自己嘅個人利益嚟做事，而就算睇落係慈善或者道德嘅行動，其實都係為咗之後嘅好處而做，例如提高自己嘅聲譽。

所以，法家認為一個理想嘅國，需要成立一個利用個人利益嚟管治嘅制度，而唔係基於道德。佢哋相信只要每一個人都有足夠嘅利益去跟社會規範，令大家嘅個人利益都有助社會嘅安定。

喺現代嘅現實政治，呢個都係基於所有人都係會跟自己嘅個人利益嘅前提，嚟做政治同外交嘅決定。

經濟學

根據經濟學嘅主要概念無形之手，一個經濟入面嘅人只要都係跟返自己嘅個人利益，就自然會達到社會嘅共同利益。

一位生意人有可能會跟住自己嘅個人利益嚟收賄賂，搞到自己唔公平咁益咗另一間公司或者商人。