停車轉搭場

法國卡昂嘅一個停車轉搭場嘅入口

英國牛津嘅一個停車轉搭場嘅指示牌

停車轉搭場（英文：Park-and-Ride；法文：Parc relais或stationnement incitatif；簡稱P+R），香港政府叫泊車轉乘停車場，係一種特殊嘅停車場，係公共交通服務嘅延伸。同一般停車場唔同嘅係，停車轉搭場係專門用來俾人將自己嘅私家車停喺道，然後轉搭附近嘅公共交通工具（例如公交車、捷運同通勤火車）嘅。其他人喺道停車可能會罰款或者拖車。乘客一般喺朝頭早將架車停喺停車轉搭場，轉搭公共交通返工或者返學，到放工或者放學之後再搭公共交通返去停車轉搭場攞車。

停車轉搭場一般設喺市郊一帶或者大型城市圈嘅外圍，以減少私家車進入城市圈，造成交通擠塞。