兒童電影院 (廣州)

出自維基百科,自由嘅百科全書
Jump to navigation Jump to search
舊時嘅兒童電影院,1999年6月1號喺嗰度辦過廣州市第一屆兒童電影節。

 兒童電影院粵拼ji4 tung4 din6 jing2 jyun2 ,之前嗌過麗聲戲院lai6 sing1 hei3 jyun2),係中國廣東廣州嘅一間冇咗嘅戲院,1949年起好,位置喺而家越秀區海珠中路249號。

間嘢喺1957年正式成為廣州市第一間兼唯一嘅兒童電影院,2007年6月因業主收返用地而停業。

[編輯]

間嘢喺1949年起好,初期嗌麗聲戲院,1957年因大陸規定唔畀有私人機構關係而充公,變成廣州市政府屬下嘅兒童電影院,係廣州第一間兒童電影院。1950年代尾開始,嗰時睇一場電影要0.80,重抵過長堤[註 1]、長壽(2003年拆咗)、國泰(1999年拆咗)三間影院平2分錢。尤其係寒假暑假,睇4場電影重優惠¥0.25。嗰時中國大陸嘅¥1已經係好多錢,政府重規定畀當場電影飛,喺兒童電影院嘅花園(而家係林師傅面檔後邊嘅空地)入面重畀免糧票嘅5分錢麵包。

嗰時電影院係廣州唯一一間帶有大花園嘅專業電影院。到咗1992年,廣州市電影公司同廣州市國際信託投資公司一齊合作,將舊時兒童電影院拆咗嚟重新起返,之後一直停業6年咁耐,直到1998年6月1號先至以全新嘅面貌畀細路睇。雖然嗰時電影市場冇咁火爆,但電影院專門為細路搞服務,結果每年有¾量嘅電影都係啱大人同細路睇,而且節假日一場飛要¥1,平時每場最貴都唔超過¥5。

1999年6月1號,戲院重辦咗第一屆兒童電影節而引起文化界嘅全面關注。但踏入21世紀後,電影院一直持續搞蝕本生意,而且2樓好多時凈得1~2人喺度睇電影。2002年因租金問題而被打官司,從而逼住暫停營業。後嚟房東應承下調租金而費事再次閂門,不過佢重差咗好多房租未還返畀房東。2006年因連續搞蝕本生意,搞到電影院凈接受包場,唔散賣門飛嘅經營。結果喺2007年6月,業主收返電影院用地而搞裝修,最後搞咗50年嘅戲院成為歷史。

現狀[編輯]

電影院喺而家變成間酒店同銀行,隔籬門口已經變成印刷舖同間粉麵檔。

[編輯]

  1. 呢間嘢後嚟改名做羊城電影院,但喺2004年拆咗。

[編輯]