暑假

學校事件
學歷階段
大學：大專　本科　學士　研究生　碩士　博士 中學：初中　高中　中專※　職中※　技校※ 小學 幼稚園　幼兒園
教學禮
學年開始：開學日 學年結束：散學日 入學／畢業：入學禮　學校開放日　畢業禮 轉校 每禮拜辦：早會　週會
假期
寒假※　暑假　春假※　秋假※
考試
默書　測驗　期末考試 中考＠　高考＠　自考＠＃※
年級
升級　留級　跳級　降級※　調班※
學業終止
畢業（畢業生）　修業　退學　趕出校
活動
上堂　走堂 校運會＃　水運會＃　課外活動＃　學校旅行 學校開放日＃　文化祭※　短途旅行※
人物
校長　副校長　校務主任　訓導主任　先生
書刊
教科書　校刊＃
衣著
校服　校園游水裝＃
意外
師生戀　校園暴力　校園槍擊案
※：唔係個個國家都有。 ＃：唔係間間學校都搞。 ＠：大型考試。唔同國家，個名同方式都唔同。

暑假（粵拼：syu2 gaa3）係每年夏天學期之間，學生同先生休息嘅假期。雖然唔同國家或地區，暑假嘅長度都唔同，但平均有7～11個禮拜，最短有4個禮拜，最長有3個月。多數嚟講，暑假係每個學年之間嘅分水嶺。

由來

暑假嘅來歷目前有幾個講法：

鬼谷洞山泉

春秋戰國時期，曠世奇人鬼穀子——王禪成日鍾意持身養性同縱橫術而隱居喺雲夢山鬼谷洞教徒授藝。佢屬下嘅孫臏、龐涓、蘇秦、張儀、毛遂、尉繚、茅蒙、徐福等名家都喺佢手頭出。鬼谷洞入面有座山泉，每年暑期一到，山泉就識噴出嚟填滿成個窿而冇辦法上堂，令鬼穀子放假。結果出現咗「放暑假」嘅講法重一直用到而家。

美國教育改革

19世紀中葉，美國教育家賀勒斯·曼等人一齊推動美國教育改革，其中有統一教育制度（包括咗放暑假），得到醫學同埋心理學界力撐。佢哋認為學生長期學習壓力大，對成長唔係太好，而且夏天逼埋一齊學嘢會出傳染病。後嚟經過半個世紀嘅努力，加上社會條件越嚟越成熟，美國大陸嘅工業社會開始出現轉型，中產亦開始興起。每年一到夏天，阿爸阿媽帶住細路去度假，從而有好多人接受咗「放暑假」嘅講法。從20世紀初開始，放暑假成為美國嘅教育制度從而風靡全球。

放假理由

學校放暑假嘅理由可以係：

1. 防止學生因為天氣太熱而中暑，甚至出現熱射病。
2. 學生成長期間，太長時間嘅腦力疲勞會出現成長性損害。加上書本上啲嘢係有限，再多啲知識喺嗮社會同大自然。
3. 學校利用假期調整師資力量熟悉下個學年嘅學科、備教案及進修。
4. 各國都有傳統嘅假日，唔放假會影響學生正常學習。

唔同國家嘅暑假放假時間

亞洲

國家	（地區）	放假時間	註
中國	華南地區 華中地區	7月初到8月31號	有啲學校放到8月27～30號就開學，但係如果9月1號係週末，就要推遲1～2日先至開學。 考完中考（6月中旬）或高考（6月7～8號）嘅學生一般即刻放假到下年開學為止。而考完高考嘅學生，一般放到9月中旬到10月初。
	東北地區 西北地區	6月底到8月中旬	考完中考或高考嘅學生一般即刻放假到下年開學為止。而考完高考嘅學生，一般放到9月初。
香港		7月中到8月31號	如果9月1號撞正係禮拜六、日，開學時間要推遲到跟住嗰個禮拜一。而考完文憑試嘅學生（通常喺每年3月到5月）一般即刻放假，等7-8月放榜，再決定之後嘅出路。
澳門		6月底到8月31號	有個別學校喺7月初開始放假。如果9月1號撞正係禮拜六、日，開學時間要推遲到跟住嗰個禮拜一。
臺灣		大學：6月底到9月初 中小學：7月初到8月底
日本	北海道地區 北邊、東北邊 長野或岐阜山區	7月21號～8月20號	部分地區推遲到7月25～27號放假，亦有部分地區提早到8月18號或推遲到8月25號開學不等。
	長野縣	7月27號～8月19號
	西日本地區	7月27號～8月24號	部分兩學期制嘅學校係7月25號到8月28號
	其它地區	中小學：7月底到9月1～2號 大學：7月底～9月10號
伊朗		6月底到9月底
伊拉克		5月底到9月底 6月底到10月初	從一入學開始，直到學業第12個學年時，放假時間會順延到6月底開始。
以色列		中學：6月20號到8月31號 小學或幼稚園：6月底到10月中旬
蒙古國		5月底或6月初到8月底
尼泊爾		5月最後一日到7月最後一日
阿曼		5月底到9月初
約旦		6月中旬到9月中旬
科威特		小學同初中：5月底～6月初到9月底～10月初 高中：6月19～20號到9月底	部分學校有時放到10月初先至開學
黎巴嫩		6月中旬到9月中旬
巴基斯坦		5月底到8月中旬
菲律賓		幼稚園、小學、中學：3月第3個禮拜一到6月第1～3個禮拜日 大學或學院：3月到5月嘅熱帶旱季時期
沙地阿拉伯		6月初到8月底
星加坡		中小學：11月中旬到1月初、成個6月份、3月或9月是但一個禮拜 大學：幾乎全年無休
韓國		中小學：7月中旬到8月底 大學：6月底或7月初到8月下旬
北韓		8月15～30號
敘利亞		6月1號～9月1號
泰國		2月底或3月初到5月中旬
土耳其		6月中旬到9月中旬
越南		5月底或6月初到7月底
孟加拉		5月中旬到6月中旬
印尼		1月前後嗰一個月內
印度	北部地區	5月中旬到7月第一個禮拜
	南部地區	3月最後禮拜或4月頭個禮拜到6月中旬
	東北地區	4月1號到5月中旬
	帕拿	5月中旬到6月尾

非洲

國家	（地區）	放假時間	註
埃及		6月中旬到9月中旬	唔同年紀段，長度都唔同。
埃塞俄比亞		5月底～6月中旬到9月中旬
尼日利亞		7月中旬到9月1～3號
突尼西亞		中學：5月30號到9月15號 小學：6月1號到9月15號
南蘇丹		12月21號到第二年3月19號
摩洛哥		6月20號到9月1號

北美洲

國家	（地區）	放假時間	註
加拿大	公立學校	6月最後禮拜五或六到8月底
	魁北克	6月倒數第二個禮拜（唔會遲過24號）到8月底，但係普通教育與職業教育學院係5月底到8月中旬	唔慶祝加拿大國慶啲學校多數喺7月1號開始放假。
	私人學校	6月最後禮拜五或六到9月頭個禮拜一
哥斯達黎加		12月底到第二年2月初 5月底到8月初	部分學校放假模式冇固定，有啲學校喺12月底到第二年2月初放假，有啲學校喺5月底到8月初放假。
危地馬拉		10月中旬到第二年1月初
牙買加		中小學：7月頭禮拜到9月頭禮拜 大學：5月嘅大考結束之後到9月初
墨西哥		小學或初中：7月底到8月中旬 高中或大學：5月底或6月初到8月中
巴拿馬		12月初到第二年2月底
美國	大部分北方州份	6月初到9月初
	西邊同多數南方州份	5月底到8月底	有部分學校喺6月底到9月初放假

南美洲

國家	（地區）	放假時間	註
巴西		12月下旬到第二年2月8～14號
圭亞那		7月初到9月初
聖盧西亞		7月初到9月頭個禮拜一
玻利維亞		7月初到9月初
哥倫比亞	用A曆嘅學校	12月同1月近聖誕節、大除夕期間	時間冇固定，睇哥倫比亞嘅氣候而定。
	用B曆嘅學校	7月同8月
厄瓜多爾	多數北部地區	1月同2月	時間冇固定，睇厄瓜多爾嘅氣候而定。
	全國大部分地區 （除多數北部地區外）	7月同8月
阿根廷		12月上中旬到第二年2月底～3月初
巴拉圭		12月底到第二年2月底
烏拉圭		12月初到第二年3月初	高中或大學生重額外放多復活節假
委內瑞拉		6月底或7月初到9月底或10月初