留級

出自維基百科,自由嘅百科全書
學校事件
學歷階段
大學大專 本科 學士 研究生 碩士 博士
中學初中 高中 中專 職中 技校
小學
幼稚園 幼兒園
教學禮
學年開始:開學日
學年結束:散學日
入學/畢業:入學禮 學校開放日 畢業禮 轉校
每禮拜辦:早會 週會  
假期
寒假 暑假 春假 秋假
考試
默書 測驗 期末考試
中考 高考 自考@#※
年級
升級 留級 跳級 降級 調班
學業終止
畢業畢業生) 修業 退學 趕出校
活動
上堂 走堂
校運會 水運會 課外活動 學校旅行
學校開放日 文化祭 短途旅行
人物
校長 副校長 校務主任 訓導主任 先生
書刊
教科書 校刊
衣著
校服 校園游水裝
意外
師生戀 校園暴力 校園槍擊案
※:唔係個個國家都有。
#:唔係間間學校都搞。
@:大型考試。唔同國家,個名同方式都唔同。

留級粵拼lau4 kap1)、又叫留班lau4 baan1)、重讀cung4 duk6),俗稱㨆班lam6 baan1),即係讀完呢個年級再讀返呢個年級(未必留喺上年嗰間課室)。如果啲學生喺課室遇到其中一個問題就要留級。大多數嘅國家都有留級制度,但係留級嘅年數或者歲數通常有限。

情形[編輯]

以下幾個情形要留級,不過有啲國家唔一定要或者唔畀人留級:

貧困而冇乜教育資源
  • 呢個情形大多數喺發展中國家嘅學校出現,尤其係喺啲偏僻地區。學校凈係開到幾個最基本嘅年級,所以要留級。
外文
  • 呢個情形喺發展中國家同埋發達國家都有,教師教嘅語言唔係學生嘅母語,所以學生外文唔叻,要留級。
考試成績唔合格
  • 呢個情形喺發展中國家同埋發達國家都有。學生啲主要考試唔合格就要留級。
功課
  • 學生欠交太多功課、做錯太多功課、或者考試唔合格就要留級。
曠課
  • 曠課太多次就要留級。
操行
  • 操行周時好差,講極都唔聽(例如周時冇禮貌、重複犯校規或者重複犯課堂紀律)就要留級。
讀半日
  • 有啲有自閉症光譜嘅人唔鍾意做功課或者驚冇親人陪住佢喺課室,情願讀半日,所以下年要留級。

世界各國留級制度[編輯]

歐洲[編輯]

而家大多數啲歐洲國家,如果學生有學業困難,佢哋唔係叻到啱心水嘅話,下年就要留級,但係有啲國家係冇留級制度:

義務教育階段,喺每個學歷階段,點都唔可以留級。

喺幼稚園,點都唔可以留級。從2009年開始改初等教育制度,喺初等教育嘅小學嘅一至四年級,點都唔可以留級。

法律規定:喺幼稚園同埋小學都唔可以留級。

表現同原因[編輯]

喺大多數歐洲國家,留級嘅原因包括以下方面:

  • 出勤率太低(例如曠課太多次、遲到太多次、早退太多次)

出勤率太低係學生留級嘅其一原因。由於好難知道曠課太多次嗰啲學生做功課做成點,所以出年嗰啲學生一定要留級。有啲國家係因為由於健康、家庭、社會性或其他未界定原因而提出申請留級(例如荷蘭英格蘭盧森堡斯洛文尼亞);有啲國家規定學生唔夠嗮出勤率,下年就一定要留級(例如意大利賽浦路斯匈牙利波蘭葡萄牙羅馬尼亞)。

  • 操行周時好差(例如重複犯校規、重複犯課堂紀律)

部分歐洲國家啲學校,如果學生嘅操行周時好差,下年就要留級。操行嘅評估喺學年尾出現,如果分數低過平均水準,下年就要留級。

  • 學業進展

喺歐洲,學業進展亦係最緊要嘅升級同留級嘅原因。有啲歐洲國家會評價學生嘅學年尾成績(綜合性分數,包括動機、操行或者技能學習測試等等)嚟決定下年要唔要留級。有啲國家係根據每個學科嘅分數,亦都有啲國家係將學生嘅學業成績納入整體評估,但係留級嘅次數有限制。

美洲[編輯]

北美洲[編輯]

美國 美國

喺1960至1990年,美國嘅小學教育係冇留級制度,就算啲學生做錯太多功課、考試唔合格或者曠課太多次,下年都唔可以留級,因為要全班學生都同歲數。由於有大批唔合格嘅學生升級,累咗啲小學生,所以喺1999年,美國聯邦教育部宣布喺全國範圍內,創咗留級制度,採用分級測試嚟檢查學生嘅學業水準,如果考試唔合格,下年就要留級。

加拿大 加拿大
魁北克省 魁北克
除咗學前班之外,喺每個學歷階段,即係小學中學職業預科普通教育與職業教育學院大學都有留級制度,但係幼稚園2(maternelle)可以破例留一次級。每個學歷階段都係有年齡限制,淨係計9月30號嘅足歲,但係成人學校普通教育與職業教育學院大學係冇被迫離校嘅年齡。喺小學,如果啲學生做錯太多功課、考試唔合格,曠課太多次,或者讀半日,下年就要留級,但係原則上最多留一次級[1],如果留過兩次,超咗齡(9月30號夠13歲嗰年)都畢唔到業,焗住要轉校繼續讀小學。唯一個情況超咗齡都可以破例,就係留一次六年級。中學有中等學校同大人學校,讀中等學校,如果啲學生做錯太多功課、考試唔合格,曠課太多次,或者讀半日,下年就要留級,但係原則上最多留一次級,如果超齡之前都未讀嗮中學,可以喺一間成人學校繼續讀中學。喺成人學校,如果考試唔合格就要考多次。喺職業預科,如果啲學生偷雞咗太多實習、成個學年都搭學校巴士返學、或者操行太差,下年就要留級,但係就算啲學生一啲都冇偷雞過實習、自己搭城市巴士返學、又操行好好,下年都可以自願留級,超咗齡嗰年(9月30號夠21歲嗰年)淨係可以破例留喺3年級,但係如果超齡之前冇讀過3年級,超咗齡嗰年唔可以破例繼續讀,淨係可以喺大人學校讀第樣或者退學。喺普通教育與職業教育學院,如果啲學生曠課太多次,下年就要留級。喺普通教育與職業教育學院,如果啲學生曠課太多次,下年就要留級。

亞洲[編輯]

中國 中國

喺中國大陸,1986年實行《義務教育法》之前嘅學生,如果考試唔合格,下年就要留級。自從《義務教育法》喺1986年7月1號實施之後,小學開始讀一年級至初三嘅中考前夕,都唔准留級。而高中喺2008年全面實行新課標之後(廣東海南寧夏山東從2004年9月開始實施),要修夠指定學分先至可以畢業。原則上,剩係初三至高三學生可以自願留級,但係一定要喺開學前申請,批唔批准就睇情形。

 香港

香港教育局規定,每名小學生只可以喺整個六年嘅小學教育過程之中留一次級。每間小學嘅留級生限額係嗰間學校學生人數嘅3%,而每間中學嘅留級生限額係嗰間學校學生人數嘅5%[2]。香港每間中小學校都有唔同嘅留級制度。有啲學校規定,如果學生考試達唔到合格分數就要留級;有啲學校有留級人數限制,考試最後幾名嘅學生先要留級;有啲學校係完全唔會要求學生留級。

澳門 澳門

教育暨青年局規定幼稚園唔可以留級,除非家長向學校申請留級(原因:疾病、操行好差等等)。有啲學校將畢業級學生嘅畢業分數作為升留級標準。如果學生學年分數達唔到指定分數就要留級。

日本 日本

喺日本,幼稚園、小學同初中係冇留級制度。

大洋洲[編輯]

澳洲 澳洲

睇埋[編輯]

[編輯]

  1. http://www.lapresse.ca/actualites/education/200810/06/01-27077-retour-du-redoublement-dans-les-ecoles-primaires.php
  2. . 原著喺2016年9月10號歸檔. 喺2016年10月9號搵到.