八旗二馬路

八 旗 二 马 路 BAQIERMALU

八旗二馬路嘅路牌

性質： 一般馬路 全長： 大概0.6公里 行車線： 3車道 凈係可以由東向西行 地區： 廣州市越秀區 起點： 北京路同埋南堤二馬路嘅交界 終點： 東園路同埋廣舞臺二馬路嘅交界

八旗二馬路（粵拼：baat3 kei4 ji6 maa5 lou6）係中國廣東省廣州市嘅一條馬路，響越秀區嘅東堤嗰邊，附近冇幾遠就係天字碼頭。由東向西單行，成條馬路係東西走向。呢條馬路係從西邊嘅北京路同埋南堤二馬路嘅交界開始，一直向東去到東園路同埋廣舞臺二馬路嘅交界。

名

呢條路嘅名到依家為止，都重未有一個標準嘅講法。因為呢條路有人話係同附近嘅「八旗會館」有關，重有啲人話唔關八旗會館事。

同八旗會館有關

而話同八旗會館有關，就係清朝嗰啲官吏坐船到咗廣州嗰陣，就響天字碼頭嗰邊上咗岸，之後就行咗呢條路到咗八旗會館（佢嘅遺跡喺依家嚟讲已經冇埞搵啦）嗰邊休息，卒之就嗌咗八旗嗰啲馬仔同埋同八旗有關嗰啲人仔到咗「接官亭」嗰邊，去接啲官吏入嚟。後嚟過咗一定嘅歡迎儀式之後，官吏先至可以入到城嚟做官嘅。

唔關八旗會館事

喺2008年11月20號嘅羊城晚報話到：廣州市滿族歷史文化研究會就爆出咗猛料話所謂嘅「八旗會館」根本就唔關八旗二馬路嘅事，更加係同廣州旗人完全係唔嘑畊。究其係點解，完全係嗰陣時啲鬼佬搞錯咗（因為滿洲人冇會館嘅習俗呢筍嘢玩嘅），搞到坊間嘅口傳都全部搞錯嗮。

概要

全長大概600米，闊14米，凈係可以從東邊行到西邊。

經過嘅道路

呢度啲路嘅順序係從西去到東嚟排嘅，其中加粗咗嘅字係主幹道：

• 北京路、南堤二馬路
• 文德路
• 德政南路
• 東園路、廣舞臺二馬路

俗語

廣州入面有條數字地名順口簧，其中就包括咗呢度（加粗咗嘅字）：

1德路、2沙頭、3元里、4牌樓、5仙觀、6榕路、7株榕、8旗二馬路、9曲巷，10甫路。