廣州三元宮
| 三元宮 | |
|---|---|
| 廣州市文物保護單位 | |
 | |
| 喺邊 | 廣州市越秀區 |
| 類 | 古建築同歷史紀念建築 |
| 時代 | 晉 |
| 登錄 | 1989年 |
| 地圖 | |
 | |
三元宮（粵拼：saam1 jyun4 gung1）係中國廣東省廣州市嘅其中一間道觀，喺越秀區嘅越秀山南邊，應元路嗰頭。
全體佈局
[編輯]正對住山門嘅三元殿嚟做中心，坐北向南；到神殿之前有條拜廊響度，佢同鐘鼓樓接埋一齊，而殿後面就係老君殿；兩邊從南向北嚟睇：東邊係舊祖堂、齋堂、客堂、呂祖殿；西邊係缽堂、新祖堂、鮑姑殿等建築。而各個殿堂建築嘅總面積有差唔多2000平方米到。而三元宮嘅主殿——三元殿有20.27米闊，深16.85米，都起喺北邊高一級嘅石台基上面，同鐘、鼓樓、拜廊連埋一齊。而門兩邊有句「三元古觀 百粵名山」嘅楷書對聯響度。而大殿前有石級同天井響度，而天井周圍都係客堂、齋堂、祖堂、缽堂。而三元宮嘅主殿——三元殿就係成個宮嘅主體建築，其中殿入面有天官（堯）、地官（舜）同水官（禹）呢三官大帝嘅神像響度。
來歷
[編輯]其實呢間廟係東晉時期嘅南海太守——鮑靚所起嘅一間越崗院。而鮑靚有個女嗌鮑姑，佢就嫁咗畀晉朝最出名嘅醫學家——葛洪，結果佢喺間越崗院入面話咗煉丹10幾年就變成仙。而三元宮入面有個鮑姑井，之前話呢個井係個仙井，可以包醫百病。嗰度重出咗崔煒同鮑姑嘅古怪古仔。
古仔
[編輯]有年農曆七月十五號嘅中元節，廣州城入面啲老百姓就帶埋細路同老坑去咗三元宮度睇戲，嗰度啲人鬼咁多，重多過廣州火車站排長龍買門飛噉（嗰時係冇火車站㗎）。有位嗌「崔煒」嘅讀書人成日嚟三元宮度玩嘅，結果佢睇到有位老太婆乞丐俾人撞咗下就打爛咗廟會入面賣酒嘅酒壇，而酒就漏到成噼嘢噉。而賣酒佬就摱住位老太婆乞丐就係都要打杘佢先至得。而崔煒就即刻擋住賣酒佬嘅手嚟幫老太婆求饒，話可以賠返個酒壇返嚟。最後老太婆就甩咗身，粒聲都唔出噉走咗喇。嗰時崔煒都出咗名下，但係佢都唔掛住呢單嘢。
過咗幾日，嗰位打爛咗酒壇嘅老太婆突然搵返崔煒嚟送返把艾絨畀佢，重話呢個係越王崗嘅艾絨，可以包醫百病嘅嘢。如估攞去醫人嘅話，一世都唔使咁掛住點算就SWOOFF聲走咗喇。
而崔偉就懵盛盛噉，都唔知信唔信佢好。後嚟有日去咗海幢寺嗰邊玩嗰陣，睇到位老和尚嘅耳仔生咗嚿好似茶杯咁大嘅嗎瘡嚟撳住嗮成塊面，而呢位老和尚成日都竵住條頸嚟行，好似好唔舒服噉。結果崔偉就用咗老太婆送嘅所謂艾絨，話願意幫老和尚嚟醫返呢個病。而佢就攞咗艾絨出嚟灸咗下，結果就得咗。而老和尚嘅嗎瘡就好似嚿成熟咗嘅木瓜噉跌咗落嚟。就係呢一灸，結果好返嗮。
而老和尚就多謝嗮崔偉嘅超級神灸，佢就話畀崔偉知，喺寺嘅隔籬有位任氏施主，而佢嘅耳仔邊都係生咗嚿好大嘅嗎瘡響度。而崔偉就應承咗呢件事，即刻就去醫佢喇。而嗰位任氏施主係一位大財主，見到崔偉一灸就好返嗮，後嚟財主就攞100000貫錢嚟送畀崔偉，而崔偉就唔應承喇。財主就想繼續挽留崔偉落去，話要好好招待佢。崔偉呢一去就大㞗鑊喇。
原嚟任氏施主係位佛面獸心之徒，屋企入面養咗個獨腳神，而嗰個獨腳神係每隔3年就用人頭拜祭佢。而嗰日咁啱得咁橋就係拜祭日，財主就諗住用崔偉嘅人頭嚟拜祭鬼神。結果呢單嘢俾任氏財主嘅女穿咗煲，而任氏財主嘅女喺二更嗰陣靜鷄鷄噉嗌醒咗崔偉，話要佢快啲走佬。
而崔偉聽到呢單嘢之後就即刻爬墻走咗出去，重走得鬼咁快。佢走緊嗰陣聽到後面有人話要斬佢，原嚟嗰時追兵已經殺到埋嚟，而崔偉就覺得好驚，加上佢又唔識路，結果一腳踩空就跌咗落枯井入面。而崔偉醒返嗰陣就發現枯井離地面成百幾丈（至少33333米到），咁深嘅井點出返嚟啊？後嚟崔偉醒返之後就睇到條白龍喺度轉下轉下，佢就驚都騰騰震喇。即刻猛咁向白龍去叩頭話：「龍王！！我俾班惡人追斬，唔小心跌咗落個寶地入面，唔該龍王開恩。」而白龍聽到噉嘅嘢之後就飲咗喺井入面滴落啲水，冇傷害崔偉噉解，而崔偉就渴到鬼噉，都好大膽同白龍一齊飲水，而呢滴井水就搞到崔偉飽嗮。而嗰時崔偉發現咗白龍嘅嘴嗰邊都有嚿嗎瘡響度，就諗住用艾絨搞掂佢，點知井底邊有火啊？結果佢諗咗好耐，發現窿口有嚿鬼火慢慢噉飄咗落嚟，而崔偉就即刻點着咗艾絨嚟幫白龍醫返呢個百年之病。
而白龍就多謝嗮崔偉，佢就喺個口度嘔咗嚿寶珠畀佢。點知崔偉就唔要寶珠，而係嗌佢快啲救返佢出去枯井嘅出面。點知白龍就應承咗，佢就鉆到崔偉嘅兩個大肶之間嘅位，之後崔偉就騎住條龍，一飛就飛咗上去。眨下眼，佢就出咗井口。而崔偉到咗地面嗰陣，白龍就唔見咗喇。
而崔偉睇返轉頭，原嚟呢度就係三元宮嘅鮑姑井，後嚟佢都諗咗好耐都唔知點解走咗嚟三元宮嗰度。結果有位老人就話因為攞咗艾絨之後叫人傳話，就係多啲幫人醫病，之後就指住個井就走咗喇。而崔偉就睇咗下個井先知原嚟係鮑姑喺度教化佢。就係噉，崔偉就開始行學醫嗰行喇。成日幫啲冇錢嘅人去醫病，最後就變咗個名醫。
史
[編輯]呢間廟喺南越國時期唔係嗌「三元宮」嘅名，而係嗌「北廟」。不過到咗南越國滅咗亡之後，間廟就慢慢噉荒廢咗。到咗公元319年，有位南海太守——鮑靚就幫佢嘅女——鮑姑，就喺呢度整咗間行醫館，嗰時係嗌「越崗院」。但係到咗唐朝就變成「悟性寺」嘅名一直去到宋朝嗰陣先至改返之前「北廟」嘅名。到咗明朝洪武年間，由於廣州話整大個北城，嚟開發咗象崗嗰度起咗個北門，由於嗰時北廟咁啱喺門樓嗰邊先至將間廟搬咗嚟而家呢度。喺萬曆年間都改造咗下，重恢復返道教性質，之後就改咗名嗌「三元宮」重一直用到而家。而所謂「三元宮」嘅名就係「道教以天、地、人嘅三元為主」噉解。到咗明朝崇禎年間，由於話要整大個大殿，結果殿入面整嘅三元大帝就變咗姑祠喇。
由於廣州喺1700年發生咗旱災，羅浮山沖虛觀嘅住持——杜陽棟，就嚟咗廣州嗰邊求雨，後嚟就留咗喺三元宮度搞住持。喺佢做緊住持嗰陣重新裝修同整大咗個三元宮，結果後嚟俾人話成係三元宮嘅開山祖師。
到咗1656年，有位廣東巡撫——李棲鳳就負責捐錢，重新裝修過三元殿同鐘鼓樓，嗰時嘅平南王尚可喜重捐咗個大鐘出嚟。之後經過咗康熙、乾隆、道光到同治呢幾百年嚟，有歷代官紳同住持喺度搞捐嘢同負責趕工期整大間宮，最後間宮觀都好大，而且香火都幾旺下。不過到咗中華民國時期就出現咗波動，先係1914～1916年嗰陣，越秀山同三元宮一帶都俾人劃咗入去軍事禁區。到咗1919年又重新搞過裝修。到咗陳濟棠做緊省長嗰陣（1929～1936)，由於佢識佛教，結果三元宮又變返好旺。當其時每年初一、十五之前，消防隊都會來用水喉洗三元宮嘅梯級，據話係為陳嘅夫人莫秀英來拜神做準備。到咗1931年，由於廣州市教育局試下喺三元宮度搞美術學校，雖然話陳濟棠嘅岳母周旋都係堅持要返後山嘅八仙殿、棲霞洞、五老洞撥出，但係始終都係俾美術學校擊敗咗。不過好彩嘅係，1936年農曆元月十五嘅上元誕，都重有成100000幾位拜神嘅人嚟呢度參拜。到咗抗戰嗰陣，由於道侶都走嗮佬，呢度就得返好少人咋。
喺1945年，由於日本仔投咗降，三元宮就開始復興。喺1946年農曆十月十五日嘅下元誕，有好多參拜者甚至嚟咗呢度拜神，甚至連跪都冇埞跪。喺嗰年，政府諗住喺三元宮度起忠烈祠，但係為咗唔想俾道場同兩位住持嚟搞個中國道教會出嚟，而聘政界就搞咗啲人嚟出任宮入面嘅名譽職事。後嚟經過咗呢單活動之後，忠烈祠就搬走咗。
喺中華人民共和國成立咗之後嘅20世紀50年代，宮入面嘅4幅劉世安寫嘅字、1幅康有為寫嘅中堂字、1幅居廉畫嘅牡丹畫、1幅沈綿春大中堂竹畫、1幅竹禪大橫披石竹畫、1套道藏同1個平南王尚可喜送嘅大鐘都重喺度。到咗1965年9月，廣州市政府批准咗以三元宮入面嘅鐘鼓樓嚟做界，將前半部分場地邊成文娛場所，喺1966年——1976年嘅文化大革命嗰陣，由於成個宮殿都俾人霸咗，入面啲神像同文物，甚至係上面寫嗰啲嘢都唔知去嗮邊；嗰時連宗教活動都停埋。到1982年7月1號，由於政府收返大殿同部分場地，之前被逼離開咗大宮啲道友都返嗮嚟，將成宮重新裝修，之後就恢復咗開放。而場地方面一直到1990年先至全部收返嗮。喺1989年12月，呢度俾政府公佈咗係廣州市級文物保護單位。
宗教活動
[編輯]喺每年農曆正月初一、正月十五、七月十五、十月十五嗰陣，呢間嘢入面嘅香火最旺。因為從朝早到晚黑，都逼爆嗮嚟拜神嘅人。
附近嘅交通
[編輯]相關書籍
[編輯]- 《三元宫香火千年》 俗话广州 ISBN 7-80655-150-6/K·18 第152——154页
出面網頁
[編輯]