別認輸

出自維基百科,自由嘅百科全書

別認輸》(日文負けないで),係日本搖滾樂團ZARD嘅第6張細碟。1993年1月27號發行。呢個係ZARD嘅代表作之一同埋銷量最高嘅細碟,亦係日本經典嘅應援歌曲。

概況[編輯]

ZARD嘅代表歌曲之一,同時亦係最有知名度同最受歡迎嘅歌曲。[1]

呢首歌原本係打算作唱碟(專輯)收錄,之後先細碟化發行。

坂井泉水表示佢當初為呢首歌填詞時係打算寫關於戀愛內容嘅,但佢聽完織田哲郎為佢作好嘅樣本歌後,突然覺得呢首歌「似首應援歌」,於是就改咗去寫應援歌歌詞,為呢首歌填詞享受過平時填詞很多。細碟發行嘅時候,正係團塊Junior世代學生面對升學考試嘅時期,因此產生好大嘅共鳴。[2]

作曲人織田哲郎曾經認為坂井唱得好「奇怪」,但呢首歌就因為坂井獨特嘅唱腔而大熱並無耐成為咗經典。[3]

被用作同社嘅女演員松雪泰子主演嘅富士電視台電視劇白鳥麗子》嘅主題歌

1993年2月5號,第5次上朝日電視台音樂節目《MUSIC STATION》演出嘅ZARD就係演唱呢首歌,當時町田文人道倉康介同埋池澤公隆事實上經已退出樂團,今次亦係ZARD最後一次上電視音樂節目。

細碟發行首個星期喺Oricon公信榜排行第2位,經已創下ZARD當時初動嘅最高紀錄。[4]隨後幾個星期顯示出強大嘅後勁,連續十個星期停留喺Oricon公信榜前10位。喺發行後第四個禮拜,終於奪得冠軍。[5]發行後第八個星期,銷量突破百萬,而且係1993年度日本細碟銷量第6位。[6]總銷量高達164.5萬張,創ZARD最高記錄。[7]

呢首歌作為應援歌曲廣受歡迎,且隨住時間推移越來越經典。1993年嘅日本,正值泡沫景氣爆破冇幾耐,而且進入咗經濟長期停滯嘅「失去的十年」,民眾承受嘅生活同心理壓力大過以往好多,因此呢首歌被譽為係「失去的十年」嘅應援主題歌。

喺日本有好多體育運動,尤其是高校棒球,都好鍾意將這呢歌作為入場式歌曲同應援歌。[8]1997年,文部省將呢首歌列入高校音樂教科書。

2007年ZARD主唱坂井泉水意外逝世後,當年《24小時電視 「愛心救地球」》同埋第58回NHK紅白歌合戰中都設有坂井泉水嘅追悼環節,《別認輸》作為ZARD嘅經典歌曲都有出現。

細碟入邊啲歌[編輯]

  1. 別認輸負けないで
    富士系電視劇白鳥麗子》嘅主題曲
  2. Stray Love
  3. 別認輸(Original Karaoke)
  4. Stray Love(Original Karaoke)

參考[編輯]

  1. 心に残るZARDの名曲、1位は「負けないで」
  2. Golden Best ~15th Anniversary~》附屬「Golden History 1991〜2006」(坂井泉水談)
  3. 『ZARD/坂井泉水さんを偲ぶ会』に織田哲郎、大黒摩希ら「残念」
  4. 1993年2月8日付 シングルチャート TOP10[[Category:有日文嘅文章]]. 原著喺2017-09-24歸檔. 喺2019-01-13搵到. {{cite web}}: URL–wikilink conflict (help)
  5. 1993年3月1日付 シングルチャート TOP10[[Category:有日文嘅文章]]. 原著喺2018-06-28歸檔. 喺2019-01-13搵到. {{cite web}}: URL–wikilink conflict (help)
  6. 1993年間シングルランキング TOP100[[Category:有日文嘅文章]]. 原著喺2010年8月5號歸檔. 喺2016年11月30號搵到. {{cite web}}: URL–wikilink conflict (help)
  7. 代シングルランキング[[Category:有日文嘅文章]]. 原著喺2010年8月27號歸檔. 喺2016年11月30號搵到. {{cite web}}: URL–wikilink conflict (help)
  8. ZARD特集ZARDの好きなシングルを一挙紹介![[Category:有日文嘅文章]]. 原著喺2012年10月11號歸檔. 喺2016年11月30號搵到. {{cite web}}: URL–wikilink conflict (help)
  9. 『時間の翼』收錄的混音記載