加拿大編輯協會
加拿大編輯協會（英文：Editors Canada，全名：Editors’ Association of Canada；法文：Réviseurs Canada，全名 Association canadienne des réviseurs）係一個加拿大嘅全國性專業組織，服務對象係從事英文同法文文字編輯嘅人；1979年成立，總部喺多倫多[1]。
加拿大編輯協會負責管理五種英文編輯嘅資格認證⸺certified proofreader（認可校對）、certified copy editor（認可文法編輯[暫譯]）、certified stylistic editor（認可文筆編輯[暫譯]）、certified structural editor（認可結構編輯[暫譯]）同 CPE（認可專業編輯，certified professional editor）[2]⸺同兩種法文編輯嘅資格認證⸺réviseur(e) agréé(e)[註 1]（認可編輯）同 réviseur(e) agréé(e) avec attestation en révision comparative（認可編輯兼認可翻譯校對[暫譯]）[3]。爾個會並冇專業守則[4]，認證純屬能力測試，但係英文同法文資格並唔對應；法文資格認證嘅係有能力做專業工作，英文資格認證嘅係除咗有能力之外重要叻[2][3]。
佢哋出咗一系列畀從業員用嘅參考書，包括一套叫 《Editing Canadian English》（加拿大英文編輯手冊）嘅格式手冊。佢哋亦都有一個經常更新嘅網誌，叫 《The Editors’ Weekly》（法文：L’Hebdomadaire des réviseurs；編輯週報）。
以前佢哋曾經出過一本叫 《Active Voice》（法文：Voix active）嘅年刊，但係2017年之後變咗網誌，2019年之後網誌版亦都再冇更新。
組織及活動概況[編輯]
加拿大編輯協會按地區分成四個分會（branches）同八個支會（twigs）[5]，定時舉行講座；另外舉行每年一次嘅全國性會議[6] 同兩年一次嘅小型法文從業員會議[7]，性質都係畀從業員進修同交流。
佢哋每年亦都會評選幾個獎項，其中比較同出面有關嘅叫 Tom Fairley Award（法文：Prix Tom-Fairley），表揚令一本書或者其他出版項目成功嘅一個編輯或者一個編輯團隊[8]。
貢獻[編輯]
學生論文編輯指引[編輯]
2018年，加拿大編輯協會出咗一套修訂版嘅指引，解釋職業編輯如果接咗案幫學生執文，點執法先算係合乎職業操守（ethical，爾度嘅意思係點先算唔係幫學生出貓）；新指解決咗舊指引冇講點處理本科生論文嘅問題[9][10]。
名[編輯]
個會喺1979年成立嘅時候本來叫 Freelance Editors’ Association of Canada（加拿大編輯業自由工作者協會；簡稱 FEAC），1982年正式註冊同加法文名 Association canadienne des pigistes de l’édition（加拿大出版業自由工作者協會），1994年改稱 Editors’ Association of Canada（簡稱 EAC；法文：Association canadienne des rédacteurs-réviseurs，簡稱 ACR），2000年法文全名改 Association canadienne des réviseurs，2015年改用而今嘅名[1][11]。
睇埋[編輯]
拎[編輯]
註[編輯]
- ↑ 男嘅叫 réviseur agréé，女嘅叫 réviseure agréée
攷[編輯]
- ↑ 1.0 1.1 "History of Editors Canada" (加拿大英文). Editors Canada. 原著喺2022年12月1號歸檔. 喺2022年11月30號搵到.
- ↑ 2.0 2.1 "Professional Certification" (加拿大英文). Editors Canada. 喺2022年12月3號搵到.
- ↑ 3.0 3.1 "Programme d'agrément en révision linguistique – Réviseurs Canada" (加拿大法文). Réviseurs Canada. 原著喺2022年12月3號歸檔. 喺2022年12月3號搵到.
- ↑ "Foire aux questions" (加拿大法文). Réviseurs Canada. 9. 原著喺2022年12月3號歸檔. 喺2022年12月3號搵到.
- ↑ "Branches & Twigs" (加拿大英文). Editors Canada. 原著喺2022年12月3號歸檔. 喺2022年12月3號搵到.
- ↑ "Conference" (加拿大英文). Editors Canada. 原著喺2022年12月3號歸檔. 喺2022年12月3號搵到.
- ↑ "Congrès des langagiers et langagières" (加拿大英文). Editors Canada. 原著喺2022年12月3號歸檔. 喺2022年12月3號搵到.
- ↑ "Awards" (加拿大英文). Editors Canada. 喺2022年12月3號搵到.
- ↑ Conrad, Nina (2019年10月1號). "Revisiting Proofreading in Higher Education: Toward an Institutional Response to Editors Canada's Guidelines for Ethical Editing of Student Texts". TESL Canada Journal (英文). 36 (1): 172–183. doi:10.18806/tesl.v36i1.1309. 喺2022年12月3號搵到.
- ↑ Rykov, Mary (2019年11月21號). "Dog-ate-my-homework syndrome and other tales from an academic editor". University Affairs (加拿大英文). 喺2022年12月3號搵到.
- ↑ "Federal Corporation Information - 128469-0" (加拿大英文). Government of Canada. 喺2022年11月30號搵到.
