北崙河

北崙河
河
左便係越南芒街，右便係中國東興 左便係越南芒街，右便係中國東興
國	中國、越南
省/州/邦	廣西，廣寧省
源頭	十萬大山
河口	北部灣
長度	98千米（61哩，196里）

北崙河，越南喊做滝加龍（越南文：sông Ka Long，「加龍河」）係一條流入北部灣嘅河，發源喺十萬大山，部份河橛着作爲中越邊界。

流域情況

北崙河幹流係八莊河，經板八（左江壯語：八村）向東北流經那把、那生、板蒙、那巴啲埞，喺北崙東南佮由黃關過來噶河向東南流，所以成條河得名北崙河；跟尾向南經那桐，再向東按順序佮支水灘散江、那良江。前者作爲邊界河向東北過中越 Phong Sinh 關口、灘散-Pò Hèn關口再流多約7 km佮落北崙河喺大河西；後者發源自兩條支喺那良北、東北，喺那良鎮北便約2 km喺那樓佮流轉南經那良街西，再南多大概4.5 km入北崙河喺細迭南、越南 Thán Phún 北。由此，北崙河向東南流大概20 km經稔里、越南 Pác Na、Phình Hồ、Lục Phủ 入東興-芒街，喺兩城中心位置分成兩支，一支照舊係邊界河流多9 km向東經羅浮佮羅浮江之後出海；一支向南流穿過芒街市大概8km到海春（越南文：Hải Xuân）出海喺越南境內，出海口面對茶古島玉山（越南文：Ngọc Sơn）。

北崙河幹流長98 km，比降2.53‰，流域面積1187 km²（中國境內830 km²）。年均徑流量16.67×10⁸ m³。

歷史

北崙河曾經喊做安南江（法文：Ngan-nan-Kiang，自官話；越南文：Ngăn nam giang）喺清朝地圖同埋法國人啲早期地圖當中，並作爲邊界河；但法國人攞到交趾支那之後就有地圖畫界線到防城江去（見續議界務專條所涉爭議）。另外喺法國人啲地圖裏頭，「北崙」係記「Pac-Lan」。至於越南名畀條江，來源可能係舊地圖噶加龍（法文：Ka-Long）笪埞，喺灘散-北崙交匯埞北便1.5公里左右啲埞；而交匯埞對岸曾經仲有地名「北市」（法文：Pac-Si）喺越南、係做交易噶重要埞方。另外灘散江上游曾經仲記有一隻「南市」（法文：Nam-Si）喺越南便、戥「北市」照映但細過，埞大概即而今Pò Hèn關口。至於那良、板八，就分別有記成「Na Luong」、「B. Pat」。