南九龍裁判法院

出自維基百科,自由嘅百科全書
Jump to navigation Jump to search
南九龍裁判法院舊翼
南九龍裁判法院新翼

南九龍裁判法院,以前叫九龍巡理府南九龍裁判司署[1],係香港一間已經停止運作嘅裁判法院,喺九龍油麻地加士居道36-38號,旁邊喺循道衛理聯合教會九龍堂

[編輯]

南九龍裁判法院由兩座大樓組成,分別係喺1936年起好、樓高3層嘅舊翼(即而家嘅土地審裁處),同喺1970年代起好、樓高5層嘅新翼(即而家嘅勞資審裁處)。其中舊翼嗰時叫做九龍巡理府。1941年12月25號,駐港英軍喺香港保衛戰戰敗,香港就進入日治時期,大樓被佔領,香港嘅日本皇軍用嚟做辦公室,日本投降之後,法院大樓就恢復原本嘅用途。

舊翼起喺山坡上面,二樓同三樓有希臘多利克式嘅大石柱[2][3],並設有露天游廊,而底層就用花崗石砌疊而成。

2000年7月1號,南九龍裁判法院正式停止運作,當時法院設有3個法庭,每年處理大約35,000宗(1998同1999年嘅數字)案件[4]。而舊翼喺1987年已經停用,之後一度係法庭文件貯存嘅地方[5]香港司法機構曾經考慮將勞資審裁處搬去法院嘅舊翼,但係最後改為提供畀土地審裁處辦公之用。而新翼就做勞資審裁處[6]

[編輯]

參考[編輯]

  1. 《香港歷史文化小百科16-趣談九龍街道》 爾東 著,第94頁,明報出版社,2004年11月,ISBN 962-8871-46-3
  2. 透過香港歷史嘅考察研究促進中國歷史科嘅教學效果 十八區學校文物徑 互聯網檔案館歸檔,歸檔日期2007-06-17.,2006年12月28號驗證。
  3. 香港地方:建設同建築物:歷史建築(三)九龍,2006年12月28號驗證。
  4. 南九龍裁判法院不久將關閉,香港政府新聞公報,2000年6月21號。
  5. 油尖旺區文物徑 互聯網檔案館歸檔,歸檔日期2007-06-17.
  6. 勞資審裁處搬去南九龍裁判法院大樓,立法會工務小組委員會討論文件,2006年1月11號。

出面網頁[編輯]