南豐中心

出自維基百科,自由嘅百科全書
跳去: 定向搵嘢
南豐中心辦公室大廈
翻新之後嘅南豐中心詢問處同電梯大堂
南豐中心同埋前面嘅青山公路荃灣段

南豐中心Nan Fung Centre)係香港荃灣一座商業大廈,基座係荃灣新之城。南豐中心喺1982年落成,原址係木棉下村同埋南豐染廠

南豐中心喺荃灣嘅心臟地帶,係往來九龍新界人流嘅主要集中地,加上商場平台設有行人天橋連接公共運輸交匯處荃灣城市中心愉景新城同埋荃灣市中心,為商場帶嚟大量人流。

南豐中心底層巴士總站提供好多條巴士線去屯門元朗,加上毗鄰港鐵荃灣站,成為來往市區同新界西北區嘅重要交通樞紐。喺三號幹線同埋西鐵綫未通車前,每日放工時間都可以見到經地鐵轉車嘅人龍。喺打風落雨嘅日子,人龍重會排到去荃灣站入面。

南豐中心入面有麥當勞大家樂等等商戶。