印度跳蟻

How to read a taxobox

印度跳蟻

兩隻印度跳蟻喺度打交。

物種分類

界	動物界 Animalia
門	節肢動物門 Arthropoda
綱	昆蟲綱 Insecta
目	膜翅目 Hymenoptera
科	蟻科 Formicidae
屬	Harpegnathos
種	印度跳蟻 H. saltator

印度跳蟻jan3 dou6 tiu3 ngai5（英文：Indian jumping ant；學名：Harpegnathos saltator）係一種分佈喺印度多地嘅蟻物種。

佢哋眼大、有長嘅下顎、能夠一跳跳成幾 in 咁遠嘅距離（啲工蟻身體多數得嗰 0.55 in 左右咁長）^[1]。通常會喺朝頭早出沒獵食。

社會結構

印度跳蟻同第啲蟻物種一樣，有真社會性（eusociality），一竇蟻啲乸分做

蟻后：有生殖能力嘅，正路每個竇得一隻；
工蟻：冇生殖能力、負責係噉做嘢（包括覓食）養起啲蟻公同蟻后；

喺一般嘅蟻物種當中，蟻后同工蟻之間條界線係定死咗嘅：一旦一個竇嘅蟻后死咗，個竇就會失去產生新工蟻嘅能力－工蟻唔會有能力話變做新蟻后；最後等到啲工蟻老死嗮，個竇就會冇能力維持自己存在而崩潰^[2]。

印度跳蟻同一般嘅蟻好唔同：喺一竇印度跳蟻當中，如果個竇嘅蟻后死咗，工蟻有機會成為新嘅蟻后；當一隻工蟻成為蟻后嗰陣，佢嘅卵巢會開始活躍，同時個腦部嘅容量會縮細大約 20%，令到佢變成淨係集中精神生蛋唔做嘢；研究仲發現，成為咗蟻后嘅工蟻，有可能會喺將來喪失蟻后地位，而且隻蟻跟住仲會變返原本噉嘅樣－佢嘅卵巢會縮細返，同時佢個腦會變大返；喺成個過程當中，隻蟻個腦縮細 20% 跟住又變返做原來大細，被指係動物界當中神經可塑性（指個腦重新組織嘅過程）最極端嘅例子之一^[3]。

睇埋

攷

↑ C. Baroni Urbani; G. S. Boyan; A. Blarer; J. Billen; T. M. Musthak Ali (1994). "A novel mechanism for jumping in the Indian ant Harpegnathos saltator (Jerdon) (Formicidae, Ponerinae)". Experientia. 50: 63-71.
↑ To become queen, these ants shrink their brains and balloon their ovaries (then, they reverse it). Live Science.
↑ Penick, C. A., Ghaninia, M., Haight, K. L., Opachaloemphan, C., Yan, H., Reinberg, D., & Liebig, J. (2021). Reversible plasticity in brain size, behaviour and physiology characterizes caste transitions in a socially flexible ant (Harpegnathos saltator) (PDF). Proceedings of the Royal Society B, 288(1948), 20210141.

拎

維基同享中有關印度跳蟻嘅資源類

[1] C. Baroni Urbani; G. S. Boyan; A. Blarer; J. Billen; T. M. Musthak Ali (1994). "A novel mechanism for jumping in the Indian ant Harpegnathos saltator (Jerdon) (Formicidae, Ponerinae)". Experientia. 50: 63-71.

[2] To become queen, these ants shrink their brains and balloon their ovaries (then, they reverse it). Live Science.

[3] Penick, C. A., Ghaninia, M., Haight, K. L., Opachaloemphan, C., Yan, H., Reinberg, D., & Liebig, J. (2021). Reversible plasticity in brain size, behaviour and physiology characterizes caste transitions in a socially flexible ant (Harpegnathos saltator) (PDF). Proceedings of the Royal Society B, 288(1948), 20210141.

[1]

[2]

[3]