反對黨

反對黨係一種反對執政黨嘅政黨，一般都係喺議會制最常見。有啲國家會有正式嘅反對黨名號，不過亦都有好多純粹係一個政治概念，冇一個官方嘅定義。

制度分別

喺單議席單票制入面，因為每個議席只能夠有一個人贏，所以好多時都會成為兩黨制，即係一個做執政黨，另外一個就自然做咗反對黨。

不過喺比例代表制，因為係唔至一個人贏，所以比較鼓勵多黨制。呢個制度令“反對黨”嘅名義比較模糊，因為可以同時有多過一個。

喺比較集權嘅政治模式，個議會基本上長期都係由一個黨掌權，而其他黨嘅作用偏向令個議會做樣似民主，多過真係反對個執政黨。

喺某啲議會，例如加拿大、英國、同新西蘭，每年會有特定嘅日子畀反對黨決定嗰日嘅議程。