古羅馬雕塑

古羅馬雕塑（英文：Roman sculpture）係指古羅馬嘅雕塑藝術。

簡史[編輯]

古羅馬雕塑深受古希臘雕塑影響：當時嘅羅馬共和國（Roman Republic）征服咗希臘嘅土地，控制咗成半個歐洲；到咗公元前 2 世紀嘅時候，喺羅馬做嘢嘅雕塑家經已多數都係希臘人，呢啲雕塑家好多都係俾古羅馬捉咗嚟做奴隸嘅，而且古羅馬嘅人又好興由希臘嗰度搶或者買雕像，將呢啲雕像帶返去羅馬帝國權力中心羅馬嗰頭，甚至攞古希臘嘅雕像嚟裝飾羅馬人嘅神殿（喺宗教上，古羅馬都係拜返古希臘嗰啲天神），於是古羅馬雕塑就喺呢種深受古希臘影響嘅環境下發展。

古羅馬雕塑喺好多特性上都同古希臘雕塑相似，不過零舍出名整人像，尤其係富裕嘅中產階層羅馬人會請雕塑家整佢哋嘅人像^[1]。