喺集合論上，如果話一個集係可數集（英文：countable set），概念上即係話個集嘅基數（簡單講就係個集包含咗幾多嚿嘢）比自然數呢個集嘅基數細，用嚴格嘅數學語言嚟講，就係存在由呢個集去自然數集嘅單射。可數集可以再細分為有限可數集同無限可數集。有限集一定可數，而唔係可數集嘅無窮集就叫做不可數集。呢啲術語係由格奧爾格·康托爾創造嘅。
