司徒法正
提示：呢篇文講嘅唔係司徒夾帶。| 司徒法正 | |
|---|---|
| 出世 | 司徒錫泉 1948年2月23號 |
| 國籍 |  中國（澳門） |
| 母校 | 澳門培正中學 |
| 職業 | 飛車黨、夜總會經理、生意人、堪輿學家 |
| 活躍時期 | 1988年至今 |
司徒法正（1948年2月23號—），原名司徒錫泉，係一位澳門玄學師傅、風水師。早年就讀培正中學，細個做過飛車黨，夜總會經理同埋生意人[1]。有二仔一女，其中司徒法基子承父業。
史
[編輯]入行過程
[編輯]司徒法正向媒體自述，1987年經過澳門觀音堂時得人指點，從而踏足玄學界。1988年開設澳門玄學館場，做相學，風水，命理八字，占卜，法科儀式等[2][3]。其後，司徒受中國龍虎山授籙成為「中國江西龍虎山授籙法師」。之後，做過澳門新口岸「澳門國際金裝四面佛殿」主持，兼慈善機構「善德堂」創辦人。媒體冠譽佢做「運財福星」。[4]
司徒用格言「一點神靈無界限，萬千佛道同一源。」開設「澳門道教總會」、「淳風道觀」、「澳門金裝四面佛殿」、「淳風道六壬伏英館」、「中華玄學道術研究學院」同埋「中華玄學網站(Kingofmaster.com)」。
介入官司
[編輯]千億遺產案法科風水專家證人
[編輯]2009年香港，高等法院開審龔如心遺產案。司徒成為華懋慈善基金律師團一方法科風水專家證人出庭作供[5][6][7][8]，係全世界司法界首例用法科資深風水師做報告。審判中，對方律師陳景生指司徒法正證供涉抄襲台灣文章，司徒辯稱係引經據典。[9]。2010年2月2號，司徒師傅對高等法院判華懋慈善基金勝訴表示高興。
相簿大王馮廣發家族爭產案
[編輯]2015年相簿大王馮廣發家族爭產案，馮美儀請過司徒法正。但其後相方鬧翻並互告對方。[10][11]
風水顧問
[編輯]司徒師傅擔任過多間上巿公司，企業法科風水顧問，包括雅居樂地產控股有限公司、內蒙古小肥羊餐飲連鎖有限公司、德國西門子國際集團控股有限公司、深圳市龍浩國際投資集團有限公司、英皇集團、新傳媒集團、香港有線電視、美聯地產集團旗下分公司、東洋旅行社、歐化家俬等。
另外，司徒師傅亦係澳門各大賭場御用法科風水師，當中包括新葡京娛樂場、舊葡京娛樂場、金沙娛樂場，星際娛樂場等。2004年時，司徒遠赴瓦努阿圖（Vanuatu）勘察當地風水，期間同該國外交部長及總理見面，講風水嘢。之後，被對方委任駐澳門名譽領事，係首個玄學風水師獲呢個身份。
流行文化
[編輯]司徒師傅上有線「怪談」長期做嘉賓主持，其中佢好多節目對白如「大顯威靈」、「出事架嘛」更成香港網民潮語。而「怪談」節目有三套電影版都有佢份，分別係「怪談電影版」，「怪談之屍骸之路」同埋「怪談之撩鬼」。有線電視怪談結束後，司徒就上無綫電視生活台拍攝「詭異怪談」。
頭銜
[編輯]- 瓦努阿圖共和國委任為駐澳名譽領事
- 泰皇頒發之成就獎
- 龍虎山正式授錄法師
- 有線電視怪談嘉賓主持
- TVB生活台詭異檔案主持
- 星加坡、馬來西亞、澳門各大賭場御用風水師
- 龔如心千億遺產案法科風水專家証人
- 澳門道教總會會長
- 澳門金裝四面佛殿主持
- 各大傳媒節目受訪嘉賓（包括東方報業、新城997電台、商業電台、TVB、亞洲電視、澳門電視、廣州廣播電台電視台…等等）
個人作品
[編輯]影視
[編輯]網上電台
[編輯]- 詭異怪談FM666
著作
[編輯]- 鏡頭外之靈·異·鬼
- 陰屍路上
- 冤靈
- 夜哭
- 星移運轉：十二生肖度身招財法
- 償命
- 怒海冤靈
- 懾魄驚魂
- 碟仙
- 鬼胎
- 猛鬼凶房
- 靈異百問百答
- 屍碎·靈亂
- 靈界答客問
- 招財增運百問百答
- 實用家居風水百問百答
- 血色凶靈
- 隱形凶鐵
- 濠江風水揭秘
- 怪談
- 陰廟鬼棺
- 幽冥鬼爪
- 玄途有您珍藏集
- 法科種生基大全：祈福轉運秘法
- 五行增運：加強人緣財運法則
參考
[編輯]- ↑ 《司徒法正原來揸過的士 又做夜總會》，喺2016-10-10搵到
- ↑ 太陽報 (2011年9月17號)。〈司徒法正硬闖猛鬼醫院〉。太陽報。喺2011年9月17號搵到。
- ↑ 獨家專訪 風水專家證人 司徒法正揭 富豪明星奇門術
- ↑ 〈司徒法正爆天王養鬼催運〉。《Apple Daily 蘋果日報》。原著喺2016-10-10歸檔。喺2016-10-10搵到。
- ↑ 〈司徒法正推斷龔如心篤信風水六大理由〉。《東方日報》。喺2016-10-10搵到。
- ↑ 〈開價400萬 被龔如心胞妹誠意打動司徒法正1折價幫華懋〉。《Apple Daily 蘋果日報》。原著喺2016-10-10歸檔。喺2016-10-10搵到。
- ↑ 〈私藏風水遺囑心術不正〉。《東方日報》。喺2016-10-10搵到。
- ↑ 〈獨家專訪 風水專家證人 司徒法正 揭 富豪明星奇門術〉。《東周網【東周刊官方網站】Eastweek.com.hk》。喺2016-10-10搵到。
- ↑ 〈司徒法正報告抄網頁〉。《太陽報》。喺2016-10-10搵到。
- ↑ 〈婦指「呃神騙鬼」 司徒法正反告誹謗〉。《星島日報》。2015-09-11。
{{cite web}}: CS1 maint: url-status (link) - ↑ 〈婦未轉運 指司徒法正騙千萬〉。《經濟日報》。2015-02-11。原著喺2016-03-05歸檔。
- ↑ 蘋果日報 (2012年5月12日)。〈曹宏威大戰司徒法正〉。蘋果日報。原著喺2014年5月8日歸檔。喺2012年5月12日搵到。
