司馬昭之心

司馬昭之心係三國時事件，魏皇帝曹髦想向大將軍司馬昭奪回權力，事敗導致甘露之變，司馬昭弒君。件事唔見於三國志，而係見於漢晉春秋。曹髦件事中講過，「司馬昭之心、路人所知也。」後世人以依句講以依件事，亦化為成語，話人意圖盡露。

經過

曹髦年幼就畀司馬師擺上做皇帝，接替廢咗嘅曹芳。司馬師之弟司馬昭，承父兄基業，當時已掌握大局，平定江東諸葛誕。

甘露四年正月，魏地井中幾次見有龍，大家都話吉利。然而曹髦作詩自諷，借用易經話龍既唔喺天，亦唔喺田，反而屈喺井，唔係吉兆，司馬昭就好唔中意佢。

經過曹芳之後，皇帝身邊守衞減省，只有老弱之兵，連鎧甲都無。

甘露五年五月，曹髦年少尚氣盛，見到無乜守衞，就知皇帝威權都無乜淨，好嬲，唔想受廢帝之辱。佢就召侍中王沈、尚書王經、常侍王業三人，想討伐司馬昭。就講咗句「司馬昭之心、路人所知也。吾不能坐受廢辱、今日當與卿自出討之。」王經勸諫佢，借春秋來講，話四面都司馬昭，守䘙依啲嘢根本無用，一旦做咗，只會更加之惡劣，隨時失國。曹髦唔聽，一意孤行，講到橫死掂死要。

王沈、王業即去報告司馬昭，並有所防範。曹髦知道仍然帶幾百僮僕去搵司馬昭，結果導致甘露之變，曹髦畀司馬昭嘅太子舍人成濟一劍穿身殺死，而且死後當平民咁出殯。

睇埋

• 漢晉春秋