同性戀愛情小說

同性戀愛情小說（粵拼：tung4 sing3 lyun2 oi3 cing4 gu2 zai2；英文：gay romance / homosexual romance）係愛情小說下嘅一個文類，特點係故仔集中講同性戀情。同性戀愛情故仔屬愛情文學，所以主要講愛情，但可以結合埋第啲文類－有啲背景設定係置於架空世界（結合咗奇幻），有啲背景設定設於未來世界（結合咗科幻），亦都有啲置於現代世界，喺主題同用嘅橋段上可以好多樣化^[1]。

同性戀愛情故仔可以按美學設計分做多種，而美學設計好多時取決於份作品打乜市場：例如描繪男同性戀嘅故仔類型噉，就有得再細分做 yaoi（平假名：やおい）同薔薇（平假名：ばら，英文：bara）兩種；Yaoi 傾向用外表陰柔嘅美少年做主角，劇情上重視純愛等合乎女人口味嘅主題，唔重視性愛描寫，主要係由異性戀女人寫俾異性戀女人睇^[2]；相比之下，薔薇傾向用陽剛－肌肉強壯、有鬍鬚等－嘅型男做主角，時常會有比較露骨嘅性愛描寫，劇情上傾向就男人嘅口味，主要由基佬寫俾基佬睇^[3]。

睇埋

愛情故仔

攷

↑ Crisp, T. (2009). From romance to magical realism: Limits and possibilities in gay adolescent fiction. Children's Literature in Education, 40(4), 333.
↑ Welker, James (28 January 2015), "A Brief History of ShŌnen'ai, Yaoi, and Boys Love", Boys Love Manga and Beyond, University Press of Mississippi, pp. 42–75.
↑ Ishii, Anne; Kidd, Chip; Kolbeins, Graham, eds. (December 18, 2014). "Gengoroh Tagame". Massive: Gay Erotic Manga and the Men Who Make It. Fantagraphics. pp. 39–43.

[1] Crisp, T. (2009). From romance to magical realism: Limits and possibilities in gay adolescent fiction. Children's Literature in Education, 40(4), 333.

[2] Welker, James (28 January 2015), "A Brief History of ShŌnen'ai, Yaoi, and Boys Love", Boys Love Manga and Beyond, University Press of Mississippi, pp. 42–75.

[3] Ishii, Anne; Kidd, Chip; Kolbeins, Graham, eds. (December 18, 2014). "Gengoroh Tagame". Massive: Gay Erotic Manga and the Men Who Make It. Fantagraphics. pp. 39–43.

[1]

[2]

[3]