愛情小說（英文：Romance novels），又叫言情小說，係用愛情故事做劇情主幹線嘅小說，屬於通俗文學。民國初期嗰時嘅鴛鴦蝴蝶派即係專寫愛情內容嘅一個派系，其中嘅張恨水就好有代表性，到咗現代，台灣同香港嘅愛情小說都有好多，比較出名嘅有張小嫻、席絹、亦舒、岑凱倫、瓊瑤等人。愛情小說好受後生人歡迎，尤其係未婚女姓讀者。
通過愛情小說，唔少後生仔女讀者第一次認識愛情係乜嘢，包括初戀、暗戀、三角戀係乜，當事人嘅內心感受，可以有乜嘢解決方法同結局。
