名偵探柯南:迷宮的十字路

出自維基百科,自由嘅百科全書
Jump to navigation Jump to search
迷宮的十字路.jpg

名偵探柯南:迷宮的十字路日文名探偵コナン 迷宮の十字路英文Detective Conan: Crossroad in the Ancient Capital)係名偵探柯南第七部劇場版,片長108分鐘,監督係兒玉兼嗣,編劇係古內一成,主題曲係由倉木麻衣唱嘅Time after time ~在落花紛飛的街道上~(日文:Time after time~花舞う街で~ ),響2003年4月19號上映,票房有32億[1]

故仔大綱[編輯]

分別響東京大阪京都都有殺人案發生,三個城市嘅刑警聯手查過之後,查到三單案都係由恐怖組織「源氏螢」有關。同一時間,毛利小五郎受到京都某間寺院嘅邀請,去個度破一宗響八年前發生嘅佛像畀人偷咗嘅案件,線索就係一幅有好多唔同野嘅畫。

而服部平次同遠山和葉又都因為殺人案而去京都查案,期間撞見柯南,所以就一齊聯手查案。佢地查到原來三單殺人案同佛像畀人偷咗嘅案件係有關聯,懷疑都係由「源氏螢」搞出嚟嘅,點知響調查期間平次畀一班唔知名嘅人打,和葉重畀個班人帶走。平次響救和葉期間,發現咗原來和葉就係自己嘅初戀!

而阿笠博士出咗一題關於武藏坊弁慶嘅初戀嘅問題,而吉田步美諗到嘅答案竟然同單案有關係!

後嚟佢地繼續查落去,查到源氏螢嘅阿頭真名叫西條。而柯南、平次、和葉、阿笠博士同埋灰原哀響玉龍寺暗地裹部署好,就等西條同平次決戰,從而拉到佢。柯南食藥短暫變返做新一,但就畀齋藤嘅徙弟砍傷。之後平次爬上屋頂,用茶咗毒藥嘅劍砍中西條。最後,柯南向刑警同小五郎大聲救助成功,西條畀人拉咗。

[編輯]

  1. "過去興行収入上位作品 一般社団法人日本映画製作者連盟". www.eiren.org. 喺2020-06-04搵到.