名偵探柯南

出自維基百科,自由嘅百科全書
名偵探柯南嘅撈稿

名偵探柯南》(日文:名探偵コナンMeitantei Konan,英文:Detective Conan),係日本動漫兼漫畫作品,用查案做題材,作者係青山剛昌,1994年開始喺小學館出嘅雜誌《週刊少年Sunday》連載。

《名偵探柯南》有陣時係會指漫畫、相、電影等等嘅總稱。

故仔大綱[編輯]

一個響日本好出名嘅高中偵探工藤新一,有一日同由細到大嘅老友毛利蘭去遊樂場玩嘅時候,見到有班古古怪怪嘅人響暗角做交易,所以新一偷偷地入去想去睇下佢哋響到做緊咩,點知畀人由後面偷襲同埋暈咗響度,暈低期間畀人灌咗神奇藥物「APTX-4869」。醒返嘅時候,佢已經變咗做一個小學生樣!(爾班神秘人就係黑暗組織)

情急之下,佢被逼要用假名江戶川柯南,響阿笠博士提議底下,佢寄住響由細到大嘅老友毛利蘭嘅老豆毛利小五郎屋企。為咗搵解藥,佢好努力咁追查黑暗組織,期間重得到好多人幫手(例如阿笠博士、灰原哀、赤井秀一、貝爾摩德等等)。好多時,佢會借住平時普通嘅案件去搵有關黑暗組織嘅資料。

角色[編輯]

內文:名偵探柯南角色一覽

其他有關主線嘅嘢[編輯]

原作漫畫版[編輯]

原作漫畫版,係指由作者青山剛昌親自畫嘅,以書嘅形式賣出嚟嘅作品。

電視漫畫版[編輯]

內文:名偵探柯南電視漫畫一覽

電視漫畫版講嘅嘢會以主線為中心,每集最多播大概三十分鐘。雖然電視漫畫版係由原作漫畫版改編,但無論係畫風抑或顏色、甚至係內容都有加加減減。

旅行特別篇[編輯]

內文:名偵探柯南特別編

從2001年開始,小學館幫名偵探柯南搞咗一系列嘅旅行特別篇,主要係講柯南響一啲日本出名嘅景點上面點樣去解決一啲案件,從而推廣當地嘅文化。但係旅行特別篇同其他柯南系列唔同,響旅行特別篇入面好少會有黑暗組織出現,反而會係以感情線為主。

劇場版[編輯]

內文:名偵探柯南劇場版一覽

劇場版,又叫電影版,係由原作改編、固定會響每年嘅日本黃金週播。時至今日,一共上映咗廿三部,仲有一部係因為疫情而未能夠如期上映。

而除咗頭兩部之外,其他嘅都會以「の 」(意思即係「的」、有時會譯做「之」)字為中心。

第幾部 標題 上映日期 導演 編劇 音樂 主題曲 歌手 票房
第1部 名偵探柯南:引爆摩天樓 1997年4月19號 兒玉兼嗣 古内一成日文古内一成 大野克夫 Happy Birthday 杏子 11億
第2部 名偵探柯南:第十四號獵物 1998年4月18號 仿佛回到少女時代 ZARD 18.5億
第3部 名偵探柯南:世紀末的魔術師 1999年4月17號 極限chop B'z 26億
第4部 名偵探柯南:瞳孔中的暗殺者 2000年4月22號 因為有你 小松未歩 25億
第5作 名偵探柯南:往天國的倒數計時 2001年4月21號 always 倉木麻衣 29億
第6部 名偵探柯南:貝克街的亡靈 2002年4月20日 野澤尚 Everlasting B'z 34億
第7部 名偵探柯南:迷宮的十字路 2003年4月19號 古内一成 Time after time ~在落花紛飛的街道上~ 倉木麻衣 32億
第8部 名偵探柯南:銀翼的奇術師 2004年4月17號 山本泰一郎 Dream×Dream日文Dream×Dream 愛内里菜 28億
第9部 名偵探柯南:水平線上的陰謀 2005年4月9號 宛如等待夏日的風帆 ZARD 21.5億
第10部 名偵探柯南:偵探的鎮魂歌 2006年4月15號 柏原寛司日文柏原寛司 唯一絕不動搖的東西 B'z 30.3億
第11部 名偵探柯南:紺碧之棺 2007年4月21號 宛如橫渡七海的風 愛内里菜&三枝夕夏 25.3億
第12部 名偵探柯南:戰慄的樂譜 2008年4月19號 古内一成 展開雙翼 ZARD 24.2億
第13部 名偵探柯南:漆黑的追跡者 2009年4月18號 PUZZLE 倉木麻衣 35億
第14部 名偵探柯南:天空的劫難船 2010年4月17號 Over Drive日文Over Drive (GARNET CROWの曲) GARNET CROW 32億
第15部 名偵探柯南:沉默的15分鐘 2011年4月16號 静野孔文 Don't Wanna Lie B'z 31.5億
第16部 名偵探柯南:第11位前鋒 2012年4月14號 春之歌 生物股長 32.9億
第17部 名偵探柯南:絕海的偵探 2013年4月20號 櫻井武晴日文櫻井武晴 再一次 齊藤和義 36.3億
第18部 名偵探柯南:異次元的狙擊手 2014年4月19號 古内一成 愛的探照燈 柴咲幸 41.1億
第19部 名偵探柯南:業火的向日葵 2015年4月18號 櫻井武晴 哦!宿敵 色情塗鴉 44.8億
第20部 名偵探柯南:純黑的惡夢 2016年4月16號 世界將會黁成你的顏色 B'z 63.3億
第21部 名偵探柯南:唐紅的戀歌 2017年4月15號 大倉崇裕日文大倉崇裕 渡月橋 ~我想念你~ 倉木麻衣 68.9億
第22部 名偵探柯南:零的執行人 2018年4月13號 立川讓 櫻井武晴 零 -ZERO- 福山雅治 91.8億
第23部 名偵探柯南:紺青之拳 2019年4月12號 永岡智佳 大倉崇裕 BLUE SAPPHIRE日文SUPERMOON (HIROOMI TOSAKAの曲) 登坂廣臣 93.1億
第24部 名偵探柯南:緋色的彈丸 原訂響2020年4月17號上映,但係因武漢肺炎日本疫情而延至2021年4月16號 櫻井武晴 永遠不在場證明 東京事變 76.5億日圓
第25部 名偵探柯南:萬聖節的新娘 2022年4月15號 滿仲勸 大倉崇裕 菅野祐悟 時滯錯覺 BUMP OF CHICKEN 97.8億日圓
第26部 名偵探柯南:黑鐵的魚影 2023年4月14號 立川讓 櫻井武晴 菅野祐悟 美麗的魚鯺 SPITZ

OVA[編輯]

電視劇[編輯]

內文:名偵探柯南電視劇

改編自原作漫畫嘅真人版作品,由2006至2012年一連播出四部單發版同埋一部連續劇。

衍生作品[編輯]

  • 名偵探柯南 犯人·犯澤先生》(名探偵コナン 犯人の犯沢さん)
作:青山剛昌
畫:神庭麻由子
題材:搞笑
  • 名偵探柯南 零的日常》(名探偵コナン ゼロの日常)
作:青山剛昌
畫:新井陸廣
關於:名偵探柯南出名角色安室透嘅日常生活
  • 名偵探柯南 警察學校篇》(名探偵コナン 警察学校編 Wild Police Story)
作:青山剛昌
畫:新井陸廣
題材:名偵探柯南警校五人組嘅過去(分別有安室透、松田陣平、諸伏景光、伊達航同荻原研二)

[編輯]