鋼之鍊金術師

出自維基百科,自由嘅百科全書
跳去導覽 跳去搵嘢
鋼之鍊金術師個撈稿

鋼之鍊金術師》(粵拼gong3 zi1 lin6 gam1 seot6 si1日文鋼の錬金術師)係一套日本漫畫,作者係荒川弘。2001至2010年刊登咗108集同埋一集番外篇。

故事簡介[編輯]

背景設定喺鍊金術相當發達嘅世界。愛德華·艾力克(簡稱愛德)同佢細佬艾爾凡斯(簡稱艾爾)本來同父母喺利正布爾度住,某一日阿爸賀恩漢離開屋企之後就一去不返,之後阿媽就喺兩兄弟仲好細個嗰陣病死咗。兩兄弟學識鍊金術之後,為咗令死咗嘅媽媽復活,佢哋唔理禁忌,進行「人體鍊成」去鍊成媽媽,但係失敗咗,愛德冇咗左腳,艾爾就冇咗成個身體。為咗救返細佬,愛德用自己嘅右臂做代價,將艾爾嘅靈魂固定喺一副鎧甲上,而冇咗嘅右臂同左腳就用「機械鎧」代替。愛德後尾攞到國家鍊金術師資格,大總統畀咗個「鋼」嘅稱號,於是啲人就叫佢做「鋼之鍊金術師」。兩兄弟想搵可以恢復身體嘅方法,知道有樣嘢叫「賢者之石」或者可以幫到佢哋,佢哋喺馬爾哥醫生嘅提示之下,搵到更多關於賢者之石嘅資料,與此同時,一個涉及賢者之石嘅重大陰謀亦都正喺度進行中。

電視動畫[編輯]

《鋼之鍊金術師》,2003年首播,共51集。

《鋼之鍊金術師FA》:2009年首播,共64集,佢嘅故事跟番原著漫畫。

劇場版[編輯]

《劇場版 鋼之鍊金術師 森巴拉的征服者》,2005年推出,作為電視動畫《鋼之鍊金術師》嘅結局。

《鋼之鍊金術師 嘆息之丘的聖星》,2011年推出。

真人電影[編輯]

2017年曾經推出《鋼之鍊金術師》電影。

2022年宣佈有兩部真人版電影將會上映,分別係《鋼之鍊金術師 完結篇 復仇者斯卡》同《鋼之鍊金術師 完結篇 最後的鍊成》。[1]

參考[編輯]

  1. 真人版《鋼之鍊金術師》新作預告 多位角色登場. am730. 2022-03-16.

[編輯]