青山剛昌
| 青山剛昌 | |
|---|---|
 | |
| 姓名原文 | 青山剛昌 |
| 出生日 | 1963年6月21號  （61歲） |
| 出生地 | 日本鳥取縣大榮町（依家嘅北榮町） |
| 本名 | 青山 剛昌 |
| 國籍 | 日本 |
| 識嘅語言 | 日文 |
| 母校 | |
| 職業 | 漫畫家 |
| 風格 | 推理漫畫、少年漫畫、劍道漫畫 |
| 名作 | |
| 配偶 | 高山南（2005年 - 2007年） |
| 網站 | www |
[改維基數據] | |
青山剛昌（日文：青山 剛昌／あおやま ごうしょう Aoyama Gōshō；1963年6月21號—），原本叫「剛昌」（日文：よしまさ Yoshimasa），係日本漫畫家，鳥取縣大榮町（依家嘅北榮町）人。代表作係名偵探柯南、鐵刃（又叫反斗劍神）同埋魔術快斗。
經歷
[編輯]早年
[編輯]1963年青山響鳥取縣東伯郡大榮町（依家嘅北榮町）出世，喺四兄弟入面排第二。由細細個開始已經沉迷漫畫，成日偷偷地去畫，所以成日畀阿爸阿媽鬧。
佢響小學時期嘅畢業文書入面曾經提過，希望大個咗做個「私家偵探同專門嘅漫畫家」。另外，佢由小四到高中都係劍道部嘅成員，到高中三年級就因為自己嘅興趣而改入美術部。
先後入讀北榮町立大榮小學校、鳥取縣立由良育英高等學校，最後升讀日本大學藝術學院。大學時期屬於漫畫研究部「熱血漫畫根性會」。原先希望畢業後做動畫師，但係受到漫研社嘅前輩矢野博之影響（矢野同青山講，漫畫家比動畫師更加有出路），所以青山就改為希望做漫畫家。
響受到同社嘅前輩阿部豐嘅鼓勵下，青山第一次同講談社投稿。
漫畫家時期
[編輯]之後佢離開講談社，響到達附近書店嗰陣，佢睇到『週刊少年Sunday』嘅雜誌，於是就聯絡上編集部，又將原稿帶埋過嚟。1986年以作品《約定》（ちょっとまってて）入選小學館新人漫畫大賞。
第二年，青山以《魔術快斗》出道，正式成為一位全職漫畫家。
1988年，作品《鐵刃》為佢打開知名度。1993年，佢以呢套作品獲得第38回小學館漫畫賞兒童部門賞。
1994年，佢開始創作推理漫畫《名偵探柯南》。原因係編集部話「既然《金田一少年之事件簿》都可以咁紅，點解你唔考慮下作套偵探漫畫呢」（而青山本人亦有同《金田一》嘅原作者天樹征丸同埋佐藤文傾過計），《柯南》因而出世。《柯南》係青山最有名氣嘅作品，響1996年登上電視後更加成為日本家傳戶曉嘅動畫。呢套作品唔單止令佢獲得第46回小學館漫畫賞少年部門受賞，亦令佢得到大量人氣。
2007年，建立響佢嘅家鄉・鳥取縣東伯郡北榮町嘅青山剛昌故鄉館正式開幕。
2017年12月，因為病咗要療養同埋要叉下電，《柯南》開始休刊，響《少年Sunday》12月第三、四周合併號公佈。直至2018年4月，《柯南》復刊。
屋企
[編輯]青山屋企係開加油站，一共有四兄弟。大佬係科學家，其中一個細佬繼承屋企事業專門幫人維修車，而另一個細佬就響米子市一間醫院做醫生。青山有一個堂兄弟係教書嘅，而佢義父（即係青山嘅阿叔或阿伯）做警視；青山重有另一個表兄弟，係搞笑藝人田中知史（搞笑二人組OXYGEN嘅成員之一）。
2005年5月5號同配音員高山南結婚，但就響2007年12月10號宣佈離婚。
作品
[編輯]- 青山剛昌短編集（1994年）
- 名偵探佐治的超級迷你大作戰（探偵ジョージのミニミニ大作戦）
- 劍豪，風雲再起（プレイ イット アゲイン ）
- 傳說中的球棒（えくすかりばあ ）
- 對我說謊（Tell Me A Lie）
- 魔術快斗（1988年—）
- 鐵刃（又叫反斗劍神）
- 名偵探柯南（1994年— ）