魔術快斗

魔術快斗個 logo

魔術快斗（日文：まじっく快斗^{Majikku Kaito}）係日本一套漫畫，以偷嘢做題材，作者係青山剛昌，由1987年開始響週刊少年Sunday不定期連載，到依家只係出咗五本單行本。

香港譯做魔術快斗，而台灣就譯做神偷怪盜。入面啲角色好多時都會響名偵探柯南度客串（特別係主角快斗，即係基德）。

響2014年宣佈開始整電視漫畫版，而製作公司係A-1 Pictures。

故仔大綱

怪盜基德嘅專用標誌。原名係1412，但係當中嘅14畀人誤讀做KI，而12就畀人誤讀做D，所以「KID」呢個名就係咁嚟。

主角黑羽快斗好鍾意玩魔術，而佢老豆黑羽盜一就係世界頂級魔術師。有一日，佢無意之下發現咗自己間房有一個密室，原來呢個密室係佢老豆盜一用嘅一間房，但係盜一佢響八年前死於意外。而響密室入面，佢揾到一套世界有名神偷怪盜基德嘅衫同埋道具，先至知道原來老豆盜一就係基德。

之後，佢遇到老豆嘅助手寺井黃之助，寺井話畀快斗知原來盜一唔係死於意外，而係畀人謀殺死咗。因此，快斗決定繼承老豆基德嘅身份，順便查埋老豆係點死。

響查嘅時候，佢遇到一班以為佢係盜一嘅神秘組織。呢個神秘組織一直都想攞到可以長生不老嘅神秘寶石——命運之石「潘朵拉」，但係盜一多次阻住佢哋偷「潘朵拉」，所以佢哋就殺咗佢。因此快斗開始同佢哋交鋒，阻止佢哋偷「潘朵拉」。

角色

内文：魔術快斗角色一覽